Դաշնակցությունը ապագայի կուսակցություն է
Posted on June 24, 2011, by admin, under Ելույթներ, Տեսաերիզներ.
ՀՅԴ Բյուրոյի ներկայացուցիչ Հրանտ Մարգարյանի ելույթը ՀՅԴ 31-րդ Ընդհանուր ժողովին
Հարգելի եւ սիրելի ներկաներ,
Հ.Յ.Դաշնակցության 31-րդ Ընդհանուր ժողովի բացման այս հանդիսավոր նիստին խոսքս առաջին հերթին ուղղելու եմ մեր ընկերներին` ժողովին մասնակից կամ ոչ:
Ամպագորգոռ, կեղծ ոգեւորիչ խոսք չեմ ասելու: Փորձելու եմ իրատեսության մղող խոսք ասել: Բայց եւ ի սկզբանե նշեմ` իմ հասկացած իրատեսությունը ոչ մի առնչություն չունի չոր գործնապաշտության, մեր արատավոր ներկային, համակերպվելու հետ:
Անցած երեք տարիները հայ ժողովրդի, մասնավորաբար հայաստանցիների համար եղել են ծանր, դժվար եւ տագնապալի տարիներ: Նույնը եղել է մեր կազմակերպության համար` ծանր, դժվար եւ տագնապալի` համապատասխան հետեւանքներով: Հետեւանքներ, որոնք դրսեւորվում են ամեն անգամ, երբ զարնվում ենք փորձաքարի, ունենում ենք ձախողումներ: Մեզ մոտ, ինչպես հիվանդության նշաներ, ինքնացուցադրվում են թերհավատություն, տատանում, վարանումներ, կասկածանք: Արդարեւ մեր կազմակերպությունը եւս կենդանի օրգանիզմ է եւ, ինչպես մյուս օրգանիզմները, հակում ունի հիվանդությունների: Եթե ժամանակին չբուժենք հիվանդությունը, այն դառնալու է քրոնիկական եւ ավարտվելու է անդամահատությամբ կամ մահով: (more…)
51 Comments
Սպառել է չարության չափաբաժինը
Posted on June 3, 2011, by admin, under Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը «Երկիր» օրաթերթին
ՀՅԴ Բյուրոյի ներկայացուցիչ Հրանտ Մարգարյանի հավաստիացում է` Դաշնակցությանը չի նյարդայնացնում ՀԱԿ-իշխանություն երկխոսությունը: Ավելին` նա կարծում է, որ քաղաքական դաշտն այդպիսով դեպի բյուրեղացում է գնում: «Երկիր»-ի խնդրանքով Հրանտ Մարգարյանն անդրադարձավ նաեւ ՀԱԿ հանրահավաքի ժամանակ Տեր-Պետրոսյանի` ՀՅԴ-ի հասցեին հնչեցրած մեղադրանքներին:
– ՀԱԿ-ի վերջին հանրահավաքի ժամանակ իր ելույթում Կոնգրեսի առաջնորդը նշեց, որ որոշ քաղաքական ուժեր, այդ թվում Դաշնակցությունը, անհանգստանում են ՀԱԿ-իշխանություն երկխոսությունից: ՀՅԴ-ն անհանգստանալու պատճառներ ունի՞:
Մեզ առճակատումն էր մտահոգում եւ ոչ թե երկխոսությունը, սակայն այս ամենը չի կարելի միայն «երկխոսություն» բառով բացատրել: (more…)
42 Comments
Երկխոսությանը դեմ չեն
Posted on June 2, 2011, by admin, under Արձագանք.
«ԵՐԿԻՐ».- ՀԱԿ վերջին հանրահավաքի ընթացքում Կոնգրեսի առաջնորդ Լեւոն Տեր-Պետրոսյանը հայտարարեց, թե իրենք պատրաստ են անգամ պատվիրակություն կազմել եւ բանակցել իշխանության հետ` օրակարգում ունենալով արտահերթ խորհրդարանական եւ նախագահական ընտրությունների անցկացման հարցը:
Պարզվում է` ՀՀ իշխանություններն էլ դեմ չեն այս ձեւաչափով բանակցություններ անցկացնելուն: Կոալիցիոն երեք ուժերի ներկայացուցիչները միաբերան պնդում են` իրենք կողմ են երկխոսությանը, բայց կտրականապես դեմ են արտահերթ ընտրությունների անցկացմանը: (more…)
23 Comments
Իրենց երկխոսությունով չի որոշվելու մեր հայրենիքի ապագան
Posted on June 2, 2011, by admin, under Արձագանք.
Մեկնաբանություններ Լեւոն Տեր-Պետրոսյանի ելույթի առիթով
Հերքելով Լեւոն Տեր-Պետրոսյանի պնդումը, թե ՀՅԴ-ն լծված է երկխոսության վարկաբեկման եւ խափանման գործին՝ ՀՅԴ Բյուրոյի ներկայացուցիչ Հրանտ Մարգարյանն «ԱՌԱՎՈՏ»-ԻՆ ասաց.«Անձամբ ես երկու առիթներով հրապարակավ ողջունել եմ այդ երկխոսությունը: Սակայն հասկանում եմ՝ հարցն ինչ է. հարցն այն է, որ Լեւոն Տեր-Պետրոսյանի տեսակը չի կարող լսել այլ տեսակետ: Եթե մի քիչ տարբեր տեսակետ է հայտնվում՝ ինքն արդեն կարող է պատասխանել հայհոյանքներով: Կարող էր մեզ «տականք» անվանել, կարող էր գործածել ուրիշ ածականներ: Իր մակարդակն այդ մակարդակի արտահայտություններն են»:
«ԱՌԱՎՈՏ».-ՀՅԴ Բյուրոյի ներկայացուցիչ Հրանտ Մարգարյանն «Առավոտ»-իխնդրանքով անդրադարձավ մայիսի 31-ի հանրահավաքում ՀԱԿ առաջնորդ Լեւոն Տեր-Պետրոսյանի ելույթի հետեւյալ հատվածին, թե ՀՅԴ ներկայացուցիչների «պնդման համաձայն՝ Կոնգրեսն, իբր, ի տարբերություն իրենց կուսակցության, միայն վերջերս է ադրբեջանական վտանգի նկատառումով Հայաստանի ներքին կայունությունը պահպանելու մտահոգություն արտահայտել: (more…)
5,668 Comments
Հրանտ Մարգարյան. Դաշնակցությունը անհանգստացած չէ
Posted on June 1, 2011, by admin, under Տեսաերիզներ.
Հայ Յեղափոխական Դաշնակցության Բյուրոյի ներկայացուցիչ Հրանտ Մարգարյանը հակադարձում է Հայ ազգային կոնգրեսի առաջնորդ Լեւոն Տեր-Պետրոսյանի հայտարարությանը:
37 Comments
Երկխոսություն, բայց ոչ դավադիր երկխոսություն
Posted on June 1, 2011, by admin, under Հարցազրույցներ, Տեսաերիզներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը «Ազատություն» ռադիոկայանին
– Հայ Ազգային կոնգրեսի ղեկավար Լեւոն Տեր-Պետրոսյանն անդրադառնալով իշխանության եւ ընդդիմության միջեւ հնարավոր երկխոսության գործընթացին նշեց, որ կան ուժեր, այդ թվում նաեւ մատնանշեց Դաշնակցությանը, որը բավական խիստ անհանգստացած է այդ հեռանկարից, եւ ամեն ինչ անում է, որպեսզի վարկաբեկի գործընթացը: Ձեր կարծիքով ` իսկապե՞ս անհանգստացած է Դաշնակցությունը, իսկ եթե ոչ` ապա ի՞նչն է Լեւոն Տեր-Պետրոսյանին նման մտահոգության տեղիք տվել:
– Հենց ձեր ռադիոալիքին տված հարցազրույցներից մեկի ժամանակ, եթե հիշում եք, ես ողջունել եմ երկխոսությունը եւ այդ երկխոսությունից բնավ, ինչպես ինքն է ասում, մենք մտահոգ եւ նյարդայնացած չենք: (more…)
109 Comments
ՍԴՀԿ, ՀՅԴ, ՌԱԿ բարձրագույն մակարդակի հանդիպում Երևանում
Posted on May 30, 2011, by admin, under Լուրեր.
«7 ՕՐ».-Այսօր ՍԴՀԿ կենտրոնական գրասենյակում տեղի ունեցավ հայ երեք ազգային կուսակցությունների` ՍԴՀԿ, ՌԱԿ, ՀՅԴ համահայկական մարմինների ղեկավարների` Սեդրակ Աճեմյանի, Մայք Խառապյանի և Հրանտ Մարգարյանի հանդիպումը, որի ընթացքում քննարկվեցին համահայկական օրակարգի ձևավորման և համազգային նշանակություն ունեցող մի շարք հարցեր:
35 Comments
Հրանտ Մարգարյանը չի բացառում Քոչարյանի ակտիվացումը նախագահական ընտրություններին
Posted on May 11, 2011, by admin, under Հարցազրույցներ, Տեսաերիզներ.
«Դրդապատճառը, որը կակտիվացնի Քոչարյանին, պետք է շատ լուրջ լինի»
«ԱԶԱՏՈՒԹՅՈՒՆ».- Հայ Յեղափոխական Դաշնակցության Բյուրոյի ներկայացուցիչ Հրանտ Մարգարյանը չի բացառում, որ Հայաստանի երկրորդ նախագահ Ռոբերտ Քոչարյանը քաղաքական ակտիվություն ցուցաբերի 2013 թվականի նախագահական ընտրություններին: Սակայն նա կարծում է, որ այն դրդապատճառը, որը կակտիվացնի Քոչարյանին, պետք է շատ լուրջ լինի:
«Չեմ կարծում, որ Ռոբերտ Քոչարյանը ուզում է վերադառնալ եւ իրեն թույլ չեն տալիս: Այդ տեսակը չէ, որ թույլտվության սպասի: Գուցե նպատակահարմարության խնդիր ինքն իր վրա դնում է, որ նպատակահարմա՞ր է այսօր իր վերադարձը, ո՞ւմ օգտակար կլինի, ո՞ւմ կվնասի եւ հաջողության հասնելու ինչքա՞ն հնարավորություն ունի: Գուցե այս հաշվարկումները իր մոտ կան, բայց որ մեկից վախենա, կամ որ մեկից թույլտվություն սպասի, կարծում եմ` չկա», – ասաց Մարգարյանը` ենթադրելով, որ Քոչարյանը միգուցե քաղաքականություն վերադառնա միայն 2012-ի խորհրդարանական ընտրություններից հետո: (more…)
42 Comments
Արամ Ա կաթողիկոսն ընդունել է ՀՅԴ եւ ՌԱԿ ներկայացուցիչներին
Posted on May 4, 2011, by admin, under Լուրեր.
«ՌԵՓՈՐԹ».-Կիլիկիո թեմի առաջնորդ Արամ Ա կաթողիկոսը ընդունել է ՀՅԴ Բյուրոյի ներկայացուցիչ Հրանտ Մարգարյանին եւ ՌԱԿ ատենապետ Մայք Խառապյանին: Ազգային կուսակցությունների պատասխանատուների հետ Վեհափառ հայրապետը քննարկել է Հայաստան-Սփյուռք համագործակցության, Հայոց ցեղասպանության 100-ամյակի եւ արաբական աշխարհում տեղի ունեցող իրադարձություններին առնչվող հարցեր: (more…)
2,627 Comments
Մենք նման չենք մյուսներին եւ լավ է, որ նման չենք
Posted on April 22, 2011, by admin, under Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը «ԱԶԱՏՈՒԹՅՈՒՆ» ռադիոկայանին
«Ամեն ինչ արվում է հանուն մեր երկրի, մեր ժողովրդի»
– Արտահերթ խորհրդարանական ընտրությունների պահանջ կա: Ինչպե՞ս պետք է գործել: Որքանո՞վ եք հնարավոր համարում արտահերթ խորհրդարանական ընտրությունները, որի պահանջը ընդդիմության` Հայ ազգային կոնգրեսի ներկայացուցիչներն են առաջ քաշում:
– Ոչ մի բան ինքնանպատակ չի:Մենք հարցերին պետք է մոտենանք ոչ թե ամբոխավարական նկատառումներով, այլ իրատեսորեն: Մեկ տարի է մնացել մինչեւ խորհրդարանական ընտրությունները: Արտահերթ խորհրդարանական ընտրություն, նշանակում է մեկ տարուց ավելի շուտ: Եթե մենք իատես լինենք, ապա նաeu կտեսնենք, որ այսօրվա դրությամբ դա ձեռնտու է միայն իշխանություններին: (more…)
