Archive for September, 2009
Հրանտ Մարգարյան: Սերժ Սարգսյանը այլեւս ոչ մի քաղաքական հենարան չունի
Posted on September 30, 2009, by admin, under Լուրեր.
«ԱԶԱՏՈՒԹՅՈՒՆ»,-Հայ-թուրքական հարաբերությունների կարգավորման գործընթացը ամբողջությամբ խարխլեց նախագահ Սերժ Սարգսյանի ունեցած հավանական հենարանները: «Ազատություն» ռադիոկայանի հետ հարցազրույցում այսպիսի կարծիք հայտնեց Հայ Յեղափոխական Դաշնակցության (ՀՅԴ) Բյուրոյի ներկայացուցիչ Հրանտ Մարգարյանը:
«Նախագահը հայտնվեց մի տեղում, որտեղ այլեւս ոչ մի հենարան չունի. ոչ ազգային ուժեր, ոչ դեմոկրատական ուժեր», – կարծիք հայտնեց Մարգարյանը. -«Այլեւս, իր իշխանությունը խախուտ է: Որքանով դա կերկարաձգվի` ես չգիտեմ»:
Հրանտ Մարգարյանի փոխանցմամբ, վերջերս նախագահի հետ տեղի ունեցած հանդիպման ժամանակ Սերժ Սարգսյանը վստահեցրել է, որ հայ-թուրքական հարաբերությունների կարգավորման հարցի շուրջ հասարակական քննարկում է տեղի ունենալու: Մարգարյանի կարծիքով, սակայն, այդպիսի քննարկում չկա: Ավելին, արհեստականորեն ստեղծվում է իշխանությունների տեսակետին համահունչ քարոզչական մթնոլորտ:
Սեպտեմբերի 15-ից Հայ հեղափոխական դաշնակցության ներկայացուցիչները հացադուլ եւ նստացույց են անցկացնում Հայաստանի արտգործնախարարության եւ կառավարության շենքերի առջեւ` իրենց բողոքն է արտահայտելով Հայաստանի եւ Թուրքիայի միջեւ օգոստոսի 31-ին նախաստորագրված արձանագրությունների դեմ:
Կուսակցությունը, մասնավորապես, անհանգստություն է հայտնել արձանագրություններում առկա այն դրույթների առնչությամբ, որտեղ խոսվում է երկու երկրների միջեւ գոյություն ունեցող սահմանների փոխադարձ ճանաչման ու պատմական փաստաթղթերի եւ արխիվների ուսումնասիրությամբ զբաղվող ենթահանձնաժողովի ստեղծման մասին: ՀՅԴ-ի մեկնաբանմամբ, այս դրույթները սպառնում են Հայաստանի եւ Լեռնային Ղարաբաղի ազգային անվտանգությանը, Հայոց ցեղասպանության միջազգային ճանաչման գործընթացին:
Ռուզաննա Ստեփանյան
41 Comments
Որպես ընդդիմություն էլ մենք կպահենք մեր դեմքը
Posted on September 30, 2009, by admin, under Հարցազրույցներ.
ՀՅԴ Բյուրոյի ներկայացուցիչ ընկ. Հրանտ Մարգարյանի հարցազրույցը «Ազատություն» ռադիոկայանին
«Մեր նպատակը իշխանափոխությունը չէ, մեր նպատակն է`թույլ չտալ, որ այս պայմանագիրը ստորագրվի»
-Պարոն Մարգարյան վերջին ասուլիսում, Դուք ասացիք, որ ուզում եք հանդիպել Նախագահ Սերժ Սարգսյանին -Մեկ հանդիպում արդեն եղել է: Նախագահն ասել է, որ տեղի է ունենալու հասարակական քննարկում, մի բան, որ, ինչպես ես տեսնում եմ տեղի չի ունենում: Եվ ճիշտ հակառակն է տեղի ունենում` արհեստականորեն ստեղծվում է իրենց տեսակետներին համահունչ քարոզչական մթնոլորտ, որի հարվածը, կարծում եմ, իրենք են ստանալու: Քննարկումները, ինչպես, որ ծրագված են, եւ այն ձեւով, որ տեղի են ունենում, վատ հետեւանք են ունենալու առաջին հերթին հենց իշանությունների համար: Նախ` ժողովրդի համար այսքան լուրջ հարցը այսպես անլուրջ քննարկել եւ փորձել ցույց տալ, թե քննարկումը տեղի է ունենում, վստահ եմ` ժողովուրդը չի հանդուրժելու: Եվ սա բերելու է հակազդեցություն, որն ուղղված է լինելու իշխանությանը: (more…)
54 Comments
Հրանտ Մարգարյան. Թույլ չտանք տեղի ունենա մի սխալ, որի գինը վճարելու ենք տասնյակ տարիներ
Posted on September 19, 2009, by admin, under Լուրեր.
«ԱԶԳ».- ՀՅԴ Բյուրոյի ներկայացուցիչ Հրանտ Մարգարյանը երեկ «Հայացք» ակումբում Դաշնակցության մտահոգությունը ներկայացրեց հայ-թուրքական հարաբերության կարգավորման գործընթացի վերաբերյալ՝ ասելով, թե գործընթացն իր առկա տեսքով սպառնում է հայության պառակտմամբ:
«Խնդրո առարկա ենք դարձնում ցեղասպանության հարցը, որ Հայաստանի Հանրապետության համար անվտանգության հարց է, մեր ազգի համար արժանապատվության հարց է, արդարության հարց է եւ Հայ դատի պայքարի կարեւոր բաղկացուցիչ մասն է: Բայց նաեւ մենք, այս ձեւով որ գնում ենք առաջ, ազգի պառակտման սկիզբ ենք դնում», ասում է Հրանտ Մարգարյանը: (more…)
34 Comments
Հրանտ Մարգարյան: ՀՅԴ-ն հակաթուրքական կուսակցություն չէ
Posted on September 9, 2009, by admin, under Լուրեր.
«ԿԱՊԻՏԱԼ» .- Վախենամ, որ Սերժ Սարգսյանն անում է այն, ինչ որ կուզեր անել Լևոն Տեր-Պետրոսյանը, »- երեկ «Հայացք» ակումբում հայտարարեց ՀՅԴ Բյուրոյի ներկայացուցիչ Հրանտ Մարգարյանը՝ հավելելով, որ հայ-թուրքական հարաբերությունների վերջին զարգացումները կարող են «խայտառակ խարան դառնալ սերունդների ճակատին»:
«Հարցը շատ ավելի խորը և կարևոր է, քան պարզ դիվանագիտական հարաբերությունների վերականգնումը որևէ երկրի հետ: Այս կարևորությունն ու զգայունությունը բխում է մեր ազգային իրականությունից, մեր պատմությունից: Չենք կարող մատի հետև թաքնվել ու իրերն իրենց իրական անուններով չկոչել»,- ասաց Մարգարյանը:
Ըստ նրա՝ Դաշնակցությունը մտահոգված է այն հանգամանքով, թե կկարողանա՞ արդյոք ազդել արձանագրությունների բովանդակության փոփոխության վրա:
«Կա՞ այդ մեխանիզմը, հնարավո՞ր է դա, թե՞ ոչ. հարցերի պատասխանը պետք է տա իշխանությունը, որպեսզի քննարկումները ոչ թե խաղի նմանվեն, այլ վերածվեն իրական գործընթացի»,- ասաց Հ. Մարգարյանը: (more…)
33 Comments
Այս մոտեցումը բխում է մեր ճակատագրից
Posted on September 9, 2009, by admin, under Հարցազրույցներ.
«Հայացք» ակումբում ներքաղաքական քննարկումների փուլում գտնվող հայ-թուրքական նախաստորագրված պայմանագրի մասին Դաշնակցության տեսակետներն է ներկայացրել ՀՅԴ Բյուրոյի ներկայացուցիչ Հրանտ Մարգարյանը:
Մինչ լրագրողների հարցերին պատասխանելը, նա մեկ անգամ եւս ընդգծեց հարցի կարեւորությունը եւ այն իրավիճակի լրջությունը, որում այսօր հայտնվել են հայ ժողովուրդն ու հայ քաղաքական ուժերը:
– Կարծում եմ,- ասաց նա, – բոլորդ էլ համակարծիք եք, որ թե ազգային եւ թե հայոց պետականության խնդիրների առումով կարեւոր իրադարձության շեմին ենք: Հարցը, ինչի մասին կխոսենք այսօր, շատ ավելի խորն է, շատ ավելի կարեւոր է, քան պարզ դիվանագիտական հարաբերությունների հաստատումը որեւէ երկրի հետ: Այս հարցում մեր դրսեւորած թե’ զգայականությունը, թե’ զգուշավորությունը պայմանավորված են մեր ազգային իրականությամբ, բխում են մեր ճակատագրից, մեր պատմությունից, մեր այսօրվա իրավիճակից: Եվ չենք կարող մեր մատների հետեւում թաքնվել ու իրերը չկոչել իրենց իսկական անուններով: (more…)
38 Comments
Հրանտ Մարգարյան. Կա՞ արդյոք փաստաթղթի վրա ազդելու մեխանիզմ
Posted on September 8, 2009, by admin, under Լուրեր.
«ՆԱՑԻՈՆԱԼ».- Հայ Յեղափոխական Դաշնակցությունը թեև դժգոհ է հայ-թուրքական նախաստորագրված Արձանագրությունների որոշ դրույթներից, սակայն այդ դժգոհության պատճառով չի պատրաստվում հրաժարվել պատգամավորական մանդատներից։ «Թերթ.am»-ի փոխանցմամբ, այս մասին այսօր լրագրողներին է հայտնել ՀՅԴ Բյուրոյի ներկայացուցիչ Հրանտ Մարգարյանը:
Մեկնաբանելով «Ժառանգություն» կուսկացության հիմնադիր Րաֆֆի Հովհաննիսյանի հրաժարականը, նա մասնավորաօես ասել է. «Կարծում եմ, որ այդ քայլը առնվազն իր համար արդարացված է»: (more…)
45 Comments
Հրանտ Մարգարյան: ՀՅԴ-ն կոռեկտ է պայքարելու
Posted on September 8, 2009, by admin, under Լուրեր.
«ԼՐԱԳԻՐ».– ՀՅԴ Բյուրոյի ներկայացուցիչ Հրանտ Մարգարյանը սեպտեմբերի 8-ին Հայացք ակումբում Դաշնակցության մտահոգությունն է ներկայացրել հայ-թուրքական հարաբերության կարգավորման գործընթացի վերաբերյալ, ասելով, թե գործընթացն իր առկա տեսքով սպառնում է հայության պառակտմամբ:
«Խնդրո առարկա ենք դարձնում ցեղասպանության հարցը, որ Հայաստանի Հանրապետության համար անվտանգության հարց է, մեր ազգի համար արժանապատվության հարց է, արդարության հարց է եւ Հայ դատի պայքարի կարեւոր բաղկացուցիչ մասն է: Բայց նաեւ մենք, այս ձեւով որ գնում ենք առաջ, ազգի պառակտման սկիզբ ենք դնում», ասում է Հրանտ Մարգարյանը: Նա նշում է, որ իշխանությունը չպիտի գործի այդ սխալը, որպեսզի Ղարաբաղ ազատագրած սերնդի վրա չլինի այդ սեւ բիծը: (more…)
39 Comments
Հրանտ Մարգարյան. Տարածքային ամբողջականությունը չի՞ վերաբերվում Ադրբեջանին։ Այդ դեպքում ո՞ւմ է վերաբերվում, Ֆրանսիայի՞ն
Posted on September 8, 2009, by admin, under Լուրեր.
«7 ՕՐ».-– «Հայացք» ակումբում հայ-թուրքական հարաբերությունների, մասնավորապես, օգոստոսի 31-ին նախաստորագրված արձանագրությունների մասին խոսելիս, ՀՅԴ Բյուրոյի ներկայացուցիչ Հրանտ Մարգարյանն ասել է, որ առաջին հերթին, փաստաթղթերը սխալ են թարգմանվել են՝ սխալ և զարմանալիորեն ի վնաս Հայաստանի։
Նա նաև նշել է, որ արձանագրություններում խոսվում է տարածքային ամբողջականության ճանաչման մասին, սակայն չի նշվում ազգերի ինքնորոշման իրավունքը. (more…)
45 Comments
Եթե իմանան կընտրվեն` կպահանջեն հրաժարականը
Posted on September 3, 2009, by admin, under Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը «Ա1+» կայքէջին
ՀՅԴ հանրահավաքի ժամանակ կուսակցությունը պահանջեց ԱԳ նախարար Էդվարդ Նալբանդյանի հրաժարականը:
-Պարոն Մարգարյան, դուք այսօր պահանջում եք արտգործնախարարի հրաժարականը, բայց արտաքին քաղաքականության պատասխանատուն երկրում առաջին հերթին նախագահն է: Ձեր կարծիքով Սերժ Սարգսյանը պատասխանատու չի հայ-թուրքական հարաբերությունների կարգավորման գործընթացում արձանագրված բացթողումների եւ թերությունների համար:
-Մենք ոչ մի անգամ չենք ասել, որ Սերժ Սարգսյանը պատասխանատու չի, բայց նրա հրաժարականի պահանջը ամբողջությամբ ուրիշ բան կնշանակի: Մենք քաղաքական կուսակցություն ենք, երկրի համար պատասխանատու, եւ չենք կարող ամեն առիթով նախագահի հրաժարական պահանջել:Մենք ԱԳ նախարարի հրաժարական պահանջելով ճանապարհ ենք ցույց տալիս նախագահին, որ կարողանա նոր սկիզբ դնել իր քաղաքականությանը: Ցավոք սրտի, մեր ձայնը լսելի չի դառնում: Բայց դա ոչ մի անգամ չի նշանակում, թե այդ քաղաքականության համար պատասխանատու չի երկրի նախագահը: (more…)
35 Comments
