Archive for 'Լուրեր'
Հրանտ Մարգարյան. Սիրիահայ գաղութը պետք է մնա կենսունակ
Posted on July 20, 2012, by admin, under Ելույթներ, Լուրեր, Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը kantsasar.com-ին
– Ինչպէ՞ս կ՛ընկալէք եւ կը գնահատէք մեր գաղութի ներքաղաքական իրադարձութիւնները:
– Գիտէք, հիմա ամբողջ հայութիւնը Հայաստանէն սկսեալ մինչեւ տարբեր շրջաններ մտահոգ են սիրիահայութեան ճակատագրով, Սիրիայի կացութեամբ եւ ընդհանուր պահանջք կայ, ցանկութիւն կայ, տրամադրութիւն կայ օգտակար լինելու թեւ ու թիկունք կանգնելու եւ յաճախ յստակ չի, թէ պահանջը ո՞ր ուղղութեամբ է եւ ինչպէ՞ս կարելի է այդ զօրակցութիւնը ունենալ: Իմ գալու նպատակն է հիմնականում մօտից ականատեսի աչքով տեսնել դժուարութիւնները, լսել համայնքի ներկայացուցիչներին, կողմնորոշուել եւ տեսնել ինչպէս կարելի է հայկական կարողականութիւնը ուղղորդել, որպէսզի այս տագնապից, այս դժուարութիւնից սիրիահայութիւնը կարողանայ նուազագոյն վնասով դուրս գալ, կարողանայ աւելի անվտանգ եւ աւելի կազմակերպուած դուրս գալ: (more…)
43 Comments
Հրանտ Մարգարյան. Կեղծված ընտրությունների պատճառով պայթյունավտանգ իրավիճակ է ստեղծվել
Posted on May 15, 2012, by admin, under Լուրեր, Հարցազրույցներ.
«Ազատություն» ռադիոկայանի հարցերին պատասխանել է ՀՅԴ Բյուրոյի ներկայացուցիչ Հրանտ Մարգարյանը:
Հայ Յեղափոխական Դաշնակցության Բյուրոյի ներկայացուցիչ Հրանտ Մարգարյանի համոզմամբ, մայիսի 6-ին Հայաստանում կայացած խորհրդարանական ընտրությունները կեղծվել են, ինչի հետեւանքով երկրում ստեղծվել է պայթյունավտանգ իրավիճակ:
– Եթե ժողովրդի կամքը չի դրսեւորվել, եթե ժողովրդի կամքը չի արձանագրվել, ուրեմն կեղծվել են: Կեղծիքները զանազան են լինում, ուղղակի այս անգամվա կեղծիքը շատ ավելի պրոֆեսիոնալ ձեւով է ծրագրվել եւ կազմակերպվել: Բայց եթե ժողովրդի կամքը չի արձանագրվել, դա ի՞նչ է նշանակում… եթե քաղաքական ուժերի ճշգրիտ պատկերը, համամասնությունը չի ներկայանում Ազգային ժողով, այդ ընտրություններն ո՞ւմ են պետք: (more…)
32 Comments
Հրանտ Մարգարյան. ՀՅԴ-ն դժգոհ է ընտրությունների արդյունքներից
Posted on May 7, 2012, by admin, under Լուրեր.
«Ազատություն».- ՀՅԴ Բյուրոյի ներկայացուցիչ Հրանտ Մարգարյանը «Ազատություն» ռադիոկայանի հետ հարցազրույցում իր դժգոհությունն արտահայտեց երեկ կայացած ընտրությունների արդյունքներից:
Նրա խոսքով` ընտրություններում «հաղթեց փողը», եւ «ընտրակաշառքը վճռորոշ ազդեցություն ունեցավ ընտրությունների արդյունքների վրա»:
«Ոչ թե ընտրություններով արտահայտվել է ժողովրդի կամքը, այլ արձանագրվել են այն քվեները, որոնք ձեռք են բերվել ընտրակաշառքով», – ասաց Մարգարյանը: (more…)
70 Comments
Հրանտ Մարգարյան. ՀՅԴ-ն հաշվետու է ողջ հայության առջեւ
Posted on May 3, 2012, by admin, under Ելույթներ, Լուրեր, Տեսաերիզներ.
ՀՅԴ ներկայացուցիչների հանդիպումն ընտրատարածքային մարմիններում կուսակցության հանձնաժողովի անդամների, վստահված անձանց եւ կուսակցության շտաբի ներկայացուցիչների հետ:
«Երկիր».- ՀՅԴ-ն միայն սոցիալ-տնտեսական հարցերին չէ, որ լուծում է բերում, այն ազգային կուսակցություն է եւ գիտի` ինչ է ուզում. հյատարարեց ՀՅԴ Բյուրոյի ներկայացուցիչ Հրանտ Մարգարյանը:
«Մենք էժան քարոզչությամբ չենք զբաղվում, հակառակ դեպքում չէինք ասի, որ Ղարաբաղի հարցում չպետք է զիջենք: Մենք եթե էժան քարոզչությամբ զբաղվեինք, չէինք ասի, որ պետք է հայ-թուրքական արձանագրությունները գցել աղբարկղը, չէինք ասի, որ Ջավախքի հայությանը պետք է թեւ ու թիկունք լինենք: Մենք ասում ենք, որ Ղարաբաղը չպետք է զիջենք, որ Թուրքիային չպետք է զիջենք, որ մեր երկիրը պետք է զարգանա, հզորանա, որ կարողանանք չզիջել»,- ասաց նա: (more…)
39 Comments
Հրանտ Մարգարյան. Քվեի զենքը միայն կարող է զարգացում ու առաջադիմություն ապահովել
Posted on April 28, 2012, by admin, under Արձագանք, Ելույթներ, Լուրեր.
ՀՅԴ-ն վանաձորցիներին կոչ արեց տեր կանգնել իրենց ձայներին
«Առավոտ».- Հայ Յեղափոխական Դաշնակցության Բյուրոյի ներկայացուցիչ Հրանտ Մարգարյանի կարծիքով Հայաստանի յուրաքանչյուր քաղաքացու քվեն զենք է եւ այն պետք է ճիշտ օգտագործել:
Ապրիլի 28-ին նախըտրական քարոզարշավի շրջանակներում վանաձորցիների հետ հանդիպման ժամանակ ՀՅԴ Բյուրոյի ներկայացուցիչը նշեց, որ մեկ շաբաթ ունենք` առանց ցնցումների, առանց լարված իրավիճակի, լարումի ազգի մեջ փոփոխություն բերելու. «Այդ քվեն` զենքը, մենք իրավունք չունենք վաճառելու, մենք իրավունք չունենք այն պահ տալ ուրիշին, որովհետեւ այդ զենքը կհայտնվի ուրիշի ձեռքում` մեր դեմ կրակելու, ինչպես կրակում է երկու տասնամյակ ավելի»:
Հրանտ Մարգարյանը կոչ արեց վանաձորցիներին տեր լինելու իրենք ձայներին, քանի որ, ըստ նրա, քվեի զենքը միայն կարող է զարգացում ու առաջադիմություն ապահովել. «Եթե մեզ չեք քվեարկելու՝ ում որ քվեարկեք, ձեր կյանքում բան չի փոխվելու, ձեր հոգսերից բան չի պակասելու, ձեր հարցերից որեւէ բան չի լուծվելու: Մենք չենք կարողանում հոգատարություն տեսնել մեր իշխանություններից, մենք տեսնում ենք աղքատություն, եւ վերջ չկա այդ աղքատությանը: Մենք տեսնում ենք արտագաղթ, տեսնում ենք` մարդիկ լքում են այս երկիրը, որովհետեւ այս ժողովրդի նկատմամբ հոգատարություն ցույց տվող չկա, որովհետեւ չկա մեկը, որ մտածի` ինքը այս երկրում պետք է ապրի ժողովրդի հետ միասին, եւ դուք ձեր քվեով պիտի փոխեք իրավիճակը»,-նշեց Հրանտ Մարգարյանը:
ՀՅԴ Բյուրոյի ներկայացուցչի խոսքերով միայն Դաշնակցությունն է հավատում , որ պետությունը պարտավոր է ունենալ իր դերակատարությունը տնտեսական բնագավառում: (more…)
53 Comments
Հրանտ Մարգարյան. Քվեն զենք է
Posted on April 28, 2012, by admin, under Ելույթներ, Լուրեր.
«Երկիր».- Քվեն զենք է: Եթե այն ճիշտ չօգտագործենք, կուղղվի մեր դեմ. այսօր Վանաձորում ՀՅԴ նախընտրական քարոզարշավի ժամանակ հայտարարեց ՀՅԴ Բյուրոյի ներկայացուցիչ Հրանտ Մարգարյանը:
«Քվեի զենքը ցնցումներ չի ենթադրում, արյունահեղություն չի ենթադրում, քվեի զենքը միայն առաջադիմություն է ենթադրում: Ուրեմն եկեք ճիշտ օգտագործենք այդ զենքը»,- ասաց Մարգարյանը՝ հավելելով, որ ժողովրդի համար դժվար է կողմնորոշվել, քանի որ բոլոր քաղաքական կուսակցությունները նույն բանն են ասում, սակայն «ՀՅԴ-ն բոլոր չէ». «Մի կողմում ՀՅԴ-ն է՝ իր հստակ ծրագրով, մյուս կողմում՝ մնացած բոլորը: Ասածիս մեջ չափազանցություն չկա: Ձեր ընտրությունը Դաշնակցության և մնացածի մեջ է: Եթե մեր օգտին չքվեարկեք, ոչինչ չի փոխվի ձեր կյանքում»: (more…)
34 Comments
Հրանտ Մարգարյան. Իշխանությունը խոչընդոտում է ազատ ընտրությունների անցկացմանը
Posted on April 20, 2012, by admin, under Լուրեր, Հարցազրույցներ, Տեսաերիզներ.
«Ազատություն».-Հայ Յեղափոխական Դաշնակցության (ՀՅԴ) Բյուրոյի ներկայացուցիչ Հրանտ Մարգարյանը կարծում է, որ այսօր Հայաստանում իշխող ուժը խոչընդոտում է ազատ, արդար ընտրությունների անցկացմանը:
«Եվ դա գալիս է դեռ խորհրդային կարգերից: Այնպես չէ, որ մենք նախքան այս քաղաքական ուժի` իշխանության վրա լինելը ունեինք արդար ընտրություններ: Մենք անկախության առաջին օրվանից մինչեւ այսօր միշտ ընտրությունների պրոբլեմ ենք ունեցել: Բոլոր ընտրությունների պարագայում էլ մենք ունեցել ենք խախտումներ: Դա նշանակում է, որ այն ուժը, որը իշխանություն ունի, այդ իշխանությունը պահելու համար դիմում է ամեն միջոցի: Այդ իշխանությունները նաեւ չունեն համապատասխան անհրաժեշտ ժողովրդականություն եւ իշխանությունը պահելու համար պարտավորվում են հենվել օլիգարխների վրա` իբրեւ ազդեցիկ մարդկանց, որ ունեն շրջանակ եւ տիրապետում են որոշ քվեների, հանցագործ աշխարհի վրա նույնպես, որը նույնպես ունի որոշ ազդեցություն: (more…)
42 Comments
Հրանտ Մարգարյան. ՀՅԴ-ի արժեհամակարգի հիմքում ազգն է, ազգի հիմքում` անհատը
Posted on April 15, 2012, by admin, under Ելույթներ, Լուրեր.
«Երկիր».- Քսան տարի է անցել մեր անկախությունից: Այս քսան տարիների ընթացքում տեսել ենք երկրաշարժ, շրջափակում, տեսել ենք պատերազմ, տնտեսական ճգնաժամ: Առաջին հայացքից թվում է, թե սրանք բավարար պատճառ են, որ Հայաստանում լավ չապրենք, բայց այդպես չէ. Աշտարակում տեղի ունեցած ՀՅԴ հանրահավաքի ժամանակ հայտարարեց ՀՅԴ Բյուրոյի ներկայացուցիչ Հրանտ Մարգարյանը:
Նա նշեց, որ զինադադարից անցել է 16 տարի, բայց մեր կյանքում փոփոխություն չկա: «Մեր շուրջը համատարած աղքատություն, համատարած անգործություն կա: Մարդիկ աշխատանքի պատճառով թողնում են իրենց հայրենիքն ու հեռանում: Մեր շուրջը երիտասարդությունը, որ նոր ասպարեզ է մտնում, շվարած է` կյանքի մեջ չի կարողանում իր տեղը գտնել, ոտքի կանգնել: Որովհետեւ բնակարանի հարց ունի, որ չի կարող ինքնուրույն լուծել, որովհետեւ աշխատանքի խնդիր ունի եւ աշխատանք չի գտնում: Եվ այս դրության մեջ, զարմանալի է, ի՞նչ են անում հայոց պետականության գահին բազմած իշխանությունները, որոնց պարտականությունն է հոգ տանել, որ երիտասարդությունն աշխատանք ունենա, որ աղքատությունը վերանա մեր երկրից, որ անգործությունը վերանա, եւ ժողովուրդը ոտքի կանգնի»,- հարց բարձրացրեց Հրանտ Մարգարյանը: (more…)
33 Comments
Հրանտ Մարգարյան. ՀՅԴ-ին կարելի է հավատալ երեք պատճառով
Posted on April 14, 2012, by admin, under Արձագանք, Ելույթներ, Լուրեր.
«Առավոտ».- ՀՅԴ-ն Վայոց Ձորի մարզում էր։ Նախընտրական հանդիպումը տեղի ունեցավ Եղեգնաձորում։
Քաղաքի 18000 տեղանոց ամֆիթատրոնը հանդիպումից դեռ շատ առաջ արդեն մարդաշատ էր այնքան, որ շատերը նույնիսկ կանգնած մնացին մինչեւ միջոցառման ավարտը։
Հանդիպումը բացեց ՀՅԴ Վայոց Ձորի նախընտրական շտաբի ղեկավար, այս ընտրատարածքում նախկինում մեծամասնական ընտրակարգով առաջադրված, ապա ինքնաբացարկ հայտնած Սամվել Բաբայանը։
Նա նախ ողջունեց հավաքվածներին ու ասաց, թե ՀՅԴ- ն եղեգնաձորցիներին խոսք ունի ասելու եւ մտահոգություն հնչեցնելու, «որովհետեւ մեր երկիրը, մեր ժողովուրդը հիմա գնտվում է այնպիսի վիճակում, որից դուրս գալու ելքը ձեր եւ մեր ձեռքում է։ Առաջիկայում համապետական ընտրություններ են, պետք է ճիշտ կողմնորոշվել, պետք է անել այն, ինչը կփոխի մեր կյանքը, եւ մենք դրա մասին ենք ուզում խոսել ձեզ հետ»:
Այս կարճ ելույթից հետո նա խոսքը փոխանցեց ՀՅԴ Բյուրոյի ներկայացուցիչ Հրանտ Մարգարյանին: (more…)
156 Comments
Ինչո՞ւ ընտրել Դաշնակցությանը
Posted on April 13, 2012, by admin, under Ելույթներ, Լուրեր.
«Երկիր»- ՀՅԴ Բյուրոյի ներկայացուցիչ Հրանտ Մարգարյանի խոսքերով, Հայաստանի այսօրվա իշխանությունները մեր երկրում ավելի շատ խնդիրներ են առաջացրել, քան լուծել գոյություն ունեցող խնդիրները:
«Այս իշխանությունը հարուստների իշխանություն է, դրա համար աղքատները բախտի քմահաճույքին են մատնված, դրա համար ոչ ոք չի մտածում, որ պետք է հոգ տանի, որ պետք է երիտասարդի համար աշխատատեղ ստեղծի, մեր հավաքական կյանքը կազմակերպի»,- այսօր երեկոյան Եղեգնաձոր քաղաքում կայացած ՀՅԴ հանրահավաքի իր ելույթում նշել է ՀՅԴ Բյուրոյի ներկայացուցիչը: (more…)
