Վնասի առաջը որտեղից էլ առնենք, շահ է։
Posted on January 12, 2010, by admin, under Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը «7 ՕՐ» կայքէջին
«Այս իրավիճակից ելքը` նահանջն է, հետ կանգնելը»
-Պարո՛ն Մարգարյան, Ղարաբաղի հարցի ակտիվացումը պայմանավորվա՞ծ է հայ-թուրքական գործընթացով։
-Ես կարծում եմ՝ առաջին օրվանից պարզ էր, թեպետ կարող էր նաև հակառակ մղումը մեր իշխանություններին դրդել ակտիվացման, բայց ինչպես մենք կանխատեսում էինք, փաստորեն, այս ամբողջ գործընթացը դարձավ մեր դեմ, շուռ եկավ մեր դեմ, և առաջին վնասվողը Ղարաբաղի բանակցություններն են, Ղարաբաղի հարցն է։ Այս առումով կարծում եմ, որ մեր ժողովուրդը և քաղաքական ուժերը պետք է ուժ գտնեն իրենց մեջ՝ համախմբվեն, ոտքի կանգնեն, այս գործընթացից հետ քաշվեն և կարողանան կուրծքը դեմ տալ արտաքին ճնշումներին։ Ապա թե ոչ՝ մենք երկու ճակատում էլ՝ թե՛ թուրքկան, թե՛ ադրբեջանական, պարտադրված կլինենք կորուստներ ունենալ։ (more…)
45 Comments
Հրանտ Մարգարյան. Թուրքիան շարունակում է պատերազմել Հայաստանի դեմ
Posted on December 21, 2009, by admin, under Լուրեր.
«ԱՐՄԱՐ».– Դաշնակցությունը ավանդաբար տարին ամփոփում է ժողովրդի առջեւ հաշվետվությամբ: Այն անցկացվում է մայրաքաղաքում ու մարզերում: Այսօր կուսակցության 119-ամյակը եւ տարվա ամփոփումը կատարվում է «Մոսկվա» կինոթատրոնում: Զեկույցով հանդես եկած ՀՅԴ Բյուրոյի ներկայացուցիչ Հրանտ Մարգարյանը: Նա ասել է. «Նոր օրակարգ է հայտնվել մեր կյանքում. Հայաստան-Թուրքիա հարաբերություններ, ինչ ենք անում, ուր ենք գնում»:
«Համազգային զարթոնքից հետո վճռական, ծանր ու դժվար տարիներ շատ ենք ապրել. երկրաշարժ, տնտեսական տագնապներ, պատերազմ, անկախություն: Եվ այդ տարիներից արդեն հարեւան Թուրքիան թշնամական վերաբերմունք է ունեցել մեր հանդեպ: Թուրքիան, Ադրբեջանի հետ միասին, մեր դեմ պատերազմի է դուրս եկել: Նա ընտրել է պատերազմի այլ տարբերակ` շրջափակումը»: (more…)
33 Comments
Դաշնակցությունը գնում է հիմնական լուծումների
Posted on December 15, 2009, by admin, under Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը
«Դրօշակին»
«Ճանաչիր ինքդ քեզ»` նշանախոսքը նպատակ ունենալու, ճամփա գնալու եւ տեղ հասնելու ամենաճշմարիտ խորհուրդն է Մենք այդպես ենք եկել, հասել այսօրվան»
– Ամեն տարվա պես, այս անգամ էլ ՀՅ Դաշնակցութիւնը նշում է իր հերթական` տոնական, բայց եւ հաշվետվական օրը: Ինչո՞վ է առանձնահատուկ այս տարվա Դաշնակցության օրը:
– Մեզ համար «Ճանաչիր ինքդ քեզ»` նշանախոսքը նպատակ ունենալու, ճամփա գնալու եւ տեղ հասնելու ամենաճշմարիտ խորհուրդն է: Մենք այդպես ենք եկել, հասել այսօրվան: Այդպես էլ շարունակելու ենք: Դաշնակցության օրվա, մեր կուսակցության 119-ամյակի նշումը մեզ համար հաշվետվություն ներկայացնելու, արածն ու չարածը քննադատաբար գնահատելու, տարին ամփոփելու առիթ է:
Երբ հայ իրականությունը դեմ առ դեմ է կանգնում որեւէ կարեւորագույն երեւույթի, բնականորեն ալեկոծվում է մեր քաղաքական միտքը, եւ, բնականաբար, այդ ալեկոծությունն իր ազդեցությունն է ունենում մեր կազմակերպության վրա: Անբնականն այն է, որ այդ ամբողջը ուղեկցվում է կրքով, մեր մեջ թշնամիներ որոնելով, հաճախ իրական բանավեճ, քննարկում չի լինում: Միշտ վախ կա, թե կպիտակավորեն եւ ճիշտ չես հասկացվի: (more…)
38 Comments
Ոչ կոնկրետ գնահատական կար, ոչ էլ կոնկրետ լուծում
Posted on December 4, 2009, by admin, under Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը «ՀԱՅԱՍՏԱՆԻ ԶՐՈՒՑԱԿԻՑ» շաբաթաթերթին
-Խոսեցիք հայ-թուրքական հարաբերություններից: Նախագահի խոսքը ՀՅԴ-ի մտավախությունները փարատե՞ց:
-Բնականաբար, ոչ: Թուրքիան, որը գուցե մեզ համար ցավոք սրտի հաջող արտաքին քաղաքականություն ունի, այսօր մեզնից կորզում է նաեւ վերջին նախապայմանը` Ղարաբաղի հարցը: ԼՂ հիմնախնդրի այս ակտիվացումն ուղղակի առնչվում է հայ-թուրքական հարաբերություններին: Բայց կարծում եմ` հայկական կողմի շտապողականությունը պատճառ դարձավ, որպեսզի Հայաստանը զիջեր եւ ընդուներ նախապայմանները: ԼՂ հիմնախնդրի առնչությամբ մտավախություն ունեմ: (more…)
49 Comments
Տապալելու ենք այս բովանդակությամբ ստորագրված արձանագրությունները
Posted on November 19, 2009, by admin, under Ելույթներ.
Նոյեմբերի 15-ին ՀՅԴ Բյուրոյի ներկայացուցիչ Հրանտ Մարգարյանը ելույթ է ունեցել Փարիզում կայացած «ՈՉ»-ի հանրահավաքին, որը նախաձեռնել էին Հայ Յեղափոխական Դաշնակցությունը եւ Ռամկավար Ազատական կուսակցությունը` մի շարք այլ կազմակերպությունների համագործակցությամբ:
Հարգելի եւ սիրելի ժողովուրդ,
երբ նախապատրաստում էի սույն ելույթի թեզերը, ակամա հիշեցի մի դիպված. ապրիլի 22-ի գիշերը՝ լույս 23-ին, հրատարակվել էր Հայաստանի Հանրապետության եւ Թուրքիայի արտգործնախարարությունների միացյալ՝ ձեզ ծանոթ տխրահռչակ հայտարարությունը։
Ապրիլի 23-ի առավոտյան՝ ՀՅԴ Բյուրոյի նիստից հետո, պայմանավորված հանդիպում ունեի մի քաղաքացու հետ։ Տրամադրություն չունեի, բայց նախապես ճշտված ժամադրություն էր եւ խուսափել չկարողացա։ Հանդիպեցինք։ Քաղաքացին, որ կուսակցությանս համակիր մի անձ էր, խնդրում էր անձնական կարեւոր մի հարցով միջնորդություն անել։ (more…)
47 Comments
Հրանտ Մարգարյան. Չեմ ուզում հավատալ, որ Սերժ Սարգսյանը կարող է հանձնվել ՀՀՇ-ին
Posted on November 16, 2009, by admin, under Լուրեր.
«ԱԶԱՏՈՒԹՅՈՒՆ».-Դաշնակցության Բյուրոյի ներկայացուցիչ Հրանտ Մարգարյանը կիրակի օրը Փարիզում` հայ – թուրքական արձանագրությունների դեմ «ՈՉ»-ի հանրահավաքում ունեցած ելույթում «հերթական տերպետրոսյանական արկածախնդրությունե է որակել Հայաստանի առաջին նախագահի նոյեմբերի 11-ի ելույթը:
«Ես չգիտեմ, Լեւոն Տեր-Պետրոսյանն արդեն իսկ կուլիսների հետեւում հասե՞լ է համաձայնության Սերժ Սարգսյանի հետ եւ հրապարակով հայտարարվածը ուղղակի ձեռք բերված համաձայնության դրսեւորո՞ւմն է, թէ ոչ։ Թերեւս սա հերթական տերպետրոսյանական արկածախնդրությունն է», – հայտարարել է Դաշնակցության բյուրոյի ներկայացուցիչը: (more…)
40 Comments
ՀՀ իշխանությունները դեռ կսթափվեն եւ կհասկանան, թե դեպի ուր են տանում երկիրը
Posted on November 5, 2009, by admin, under Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանի հարցազրույցը «ԵՐՐՈՐԴ ՈՒԺ»-ին
-Պարոն Մարգարյան, Ձեր կարծիքով Հայաստանի եւ Թուրքիայի իշխանությունների միջեւ կարո՞ղ էր նախապես պայմանավորվածություն լիներ արձանագրությունների վավերացման գործընթացն ավարտին հասցնելու շուրջ:
-Հնարավոր է, որ ինչ-որ սկզբունքների շուրջ բանավոր պայմանավորվածություններ եղած լինեն, սակայն թվում է նաեւ, որ կան խնդիրներ, որոնց շուրջ այնուամենայնիվ պայմանավորվածություններ չեն եղել, այլապես կստացվի, որ Հայաստանի եւ Թուրքիայի իշխանությունները փոխադարձաբար խաբում են միմյանց:
-Իսկ Ձեզ չի՞ թվում, որ նույն հաջողությամբ երկու երկրների իշխանությունները կարող են խաբել իրենց հասարակություններին:
-Ըստ իս, դա ավելի հավանական է, քանի որ մենք տեղյակ չենք խոհանոցային խոսակցություններին, անտեղյակ ենք նաեւ բանակցությունների մանրամասներին, ուստի վտանգը չի բացառվում: (more…)
37 Comments
«Բաց նյարդի» հակազդեցությունը
Posted on October 8, 2009, by admin, under Ելույթներ.
ՀՅ Դաշնակցության Բյուրոյի ներկայացուցիչ Հրանտ Մարգարյանի ելույթը
«Նախաստորագրված արձանագրություններ եւ հայ-թուրքական հարաբերություններ:
Ազգային-պետական շահեր եւ մարտահրավերներ» խորագրով խորհրդաժողովին
Հարգելի ներկաներ,
Ներքաղաքական խորհրդակցությունների համար սահմանված վեց շաբաթն անցավ: Ի՞նչ ունենք: Որտե՞ղ էինք առաջին օրը, որտեղ ենք հիմա: Կարծում եմ` վիճարկելի չէ` մթնոլորտում բան է փոխվել: Հայության բացարձակ գերիշխող մասը` պարզ քաղաքացուց մինչեւ բարձրաստիճան պաշտոնյան (թե Հայաստանում, թե Սփյուռքում), մտածում խոսում, քննարկում է նույն թեման:
Ես առիթ ունեցել եմ հանգամանորեն անդրադառնալ արձանագրություններին, դրանցում առկա վտանգներին: Այսօր դրանց չեմ անդրադառնա: (more…)
864 Comments
Հրանտ Մարգարյան. Եթե ամբողջ ազգը դեմ է այս փաստաթղթին, ինչպե՞ս են համարձակվելու ստորագրել այն
Posted on October 8, 2009, by admin, under Լուրեր.
«ԱՐՄԱՐ».- Չնայած արդեն անցավ խորհրդակցությունների վեց շաբաթը, սակայն հայության գերակշիռ մասը շարունակում է խոսել նույն թեմայով և արտահատել իր մտահոգությունները»,- ասել է ՀՅԴ բյուրոյի ներկայացուցիչ Հրանտ Մարգարյանը և կոչ արել բոլորին պատասխանատու լինել իրենց քայլերի, արտահայտությունների, կեցվածքի համար:
Ըստ նրա, քննարկման արդյունքում պետք է ծնվի հայության ճնշող մեծամասնությանը բավարարող եզրակացություն, որի հետ հաշվի պետք է նստեն բոլորը, նույնիսկ նրանք, ովքեր հակված են ծայրահեղ հակադիր տեսակետի:
«Հայոց Ցեղասպանության հարցը հայության բաց նյարդն է, ահա թե ինչու սփյուռքում այս արձանագրություններն արժանացան հակազդեցության: (more…)
31 Comments
Հրանտ Մարգարյան. Ոչ ոք նրբանկատություն չունեցավ գեթ մեկ անգամ հայտարարելու՝ եթե քննարկման արդյունքում պարզվի, որ մեր ժողովուրդը դեմ է, մենք չենք ստորագրելու
Posted on October 8, 2009, by admin, under Լուրեր.
«7ՕՐ».- Հոկտեմբերի 8-ին «Էրեբունի» բիզնես կենտրոնի «Էրեբունիե սրահում, ՀՅԴ Գերագույն Մարմնի նախաձեռնությամբ, տեղի է ունեցել «Նախաստորագրված արձանագրություններ և հայ-թուրքական հարաբերություններ։ Ազգային-պետական շահեր և մարտահրավերներե խորագրով խորհրդաժողովը, որին ներկա էին քաղաքական կուսակցությունների ներկայացուցիչներ, հասարակական գործիչներ, մտավորականներ և այլոք։
Ելույթ ունենալով՝ ՀՅԴ Բյուրոյի անդամ Հրանտ Մարգարյանը մասնավորապես նշել է, որ քաղաքական խորհրդակցությունների համար սահմանված 6 շաբաթն արդեն անցել է, և վիճարկելի չէ, որ մթնոլորտում բան է փոխվել՝ «հայության գերակշռող մասը՝ պարզ քաղաքացուց մինչև բարձրաստիճան պաշտոնյան, թե՛ Հայաստանում, թե՛ Սփյուռքում մտածում, խոսում և քննարկում են նույն թեման»։ (more…)
