Archive for 'Լուրեր'
Կոալիցիա մտնելու հարց քաղաքական օրակարգում չունենք
Posted on December 12, 2015, by admin, under Լուրեր, Հարցազրույցներ.
ՀՅԴ Բյուրոյի ներկայացուցիչ Հրանտ Մարգարյանը, Yerkir.am-ի հետ զրույցում խոսելով ՀՅԴ-ի` կոալիցիա մտնելու հավանականության մասին, հայտնեց, որ նման առաջարկ իրենք դեռ չեն ստացել, ոչ էլ այդ մասին քննարկում են ունեցել: «Նման օրակարգ մեզ մոտ գոյություն չունի»,- ասաց նա:
Պատասխանելով հարցին` եթե կոալիցիա կազմելու առաջարկ լինի, կհամաձայնե՞ն, Մարգարյանն ասաց. «Մենք, համենայն դեպս, պատասխանատվությունից փախչող չենք, բայց ամեն գնով կոալիցիա լինելու հակամետ էլ չենք: Պայմաններով կարող ենք ընդունել ինչ-որ համագործակցության ձև, բայց դա չի կարող ինքնանպատակ լինել: Մենք ունենք ծրագիր, մենք միշտ ասել ենք, որ ունենք յոթ կետ, օրակարգ, որի մասին միշտ խոսել ենք` բաց են մեր օրակարգերը, և բնական է, որ դրանք պետք է բավարարվեն, եթե համագործակցություն լինի»: (more…)
107 Comments
Խոսելով Դաշնակցության ու դաշնակցականների մասին պիտի խոսեմ հայրենիքի եւ հայ մարդու մասին
Posted on December 11, 2015, by admin, under Ելույթներ, Լուրեր, Տեսաերիզներ.
ՀՅԴ Բյուրոյի ներկայացուցիչ Հրանտ Մարգարյանի ելույթը ՀՅԴ 125- ամյակի հանդիսավոր միջոցառմանը (Երեւան – 11 դեկտեմբեր 2015)
ՀՅԴ Բյուրոյի ներկայացուցիչ Հրանտ Մարգարյանի ելույթը ՀՅԴ-125 ամյակի հանդիսավոր միջոցառմանը (Երեւան – 11 դեկտեմբեր 2015)
Խոսելով Հայ Յեղափոխական Դաշնակցության ու դաշնակցականների մասին, ես պիտի խոսեմ հայրենիքի եւ հայ մարդու մասին:
Չէր լինի Դաշնակցություն, եթե հայրենիք ունենալը հեշտ լիներ, չէին լինի դաշնակցականներ, եթե հայ լինելը հեշտ լիներ:
Դաշնակցության ծնունդը կենսական անհրաժեշտություն էր: Միջնադարում հայոց թագավորությունների անկումով սկիզբ առած հայության հալածանքներն ու հայրենազրկումը 17-18-րդ դարերում կործանարար ընթացք էին ձեռք բերել՝ պետականության կորստի հետ միասին առարկայացնելով նաև Հայրենիքի կորստյան վտանգը։ Իսկ 19-րդ լուսավորյալ դարում տեղահանություններին, հալածանքներին ու կոտորածներին գումարվել էր նաև մի նոր սպառնալիք՝ կրոնական համայնքի վերածված հայության արագ ձուլման վտանգն իրեն ավելի հոգեհարազատ միջավայրերում։ Արդյունքում՝ մի պահ թվում էր թե Թուրքիայում այլևս հայը չի կարողանալու ապրել իբրև մարդ, իսկ ահա Ռուսաստանում ու եվրոպական երկրներում հայն, իբրև որոշակի ազգության ներկայացուցիչ՝ ենթակա է ձուլման ստույգ վտանգին։ (more…)
46 Comments
Դաշնակցությունը հատվածականության թիվ մեկ հակառակորդն է
Posted on December 9, 2015, by admin, under Ելույթներ, Լուրեր.
ՀՅԴ Բյուրոյի ներկայացուցիչ Հրանտ Մարգարյանի խոսքը` ՀՅԴ 125 ամյակին նվիրված «ՀՅ Դաշնակցությունը և հայոց պետականությունը» խորագրով գիտաժողովում
Գիտաժողովի հարգելի մասնակիցներ
Տիկնայք և պարոնայք
ՀՅ Դաշնակցության 125-ամյակի հոբելյանական միջոցառումների շրջանակում կազմակերպվող ներկա գիտաժողովը հայ ժողովրդի ճակատագրում մեր կուսակցության ունեցած ամենակարևոր ներդրումը՝ մոտ 100 տարի առաջ Հայաստանի առաջին Հանրապետության և քառորդ դար առաջ՝ Լեռնային Ղարաբաղի Հանրապետության հիմքերը դնելու պատմական մեծ առաքելությունը նորովի հետազոտելու և մեր հանրությանը ներկայացնելու փորձ է։ (more…)
137 Comments
Այսօր նոր սկիզբ ենք դնելու Հայաստանի համար
Posted on December 6, 2015, by admin, under Լուրեր, Հարցազրույցներ, Տեսաերիզներ.
ՀՅԴ Բյուրոյի ներկայացուցիչ Հրանտ Մարգարյանը քաղաքացիական իր պարտքը կատարեց Վ. Բրյուսովի անվան հենակետային վարժարանում տեղակայացված 5/20 ընտրատեղամասում: Քվեարկությունից հետո լրագրողների հետ զրույցում ասաց, որ քվեարկել է հանուն մեր ապագայի: (more…)
140 Comments
125 Տարի Շարունակ Ժողովուրդին Կողքին Կանգնած Եւ Անով Զօրացած Ու Ուռճացած Հայ Յեղափոխական Դաշնակցութեան 125-Ամեակի Փառաւոր Նշում Աւելի Քան 5000 Հայորդիներու Ներկայութեամբ
Posted on December 5, 2015, by admin, under Ելույթներ, Լուրեր.
«Մեր Կուսակցութեան 125-Ամեակը
Նշանաւորուելու Է Սահմանադրական Հանրաքուէում
«Այո՛»-Ի Յաղթանակով».Հրանդ Մարգարեան
«Պուրճ Համուտն Ու Այնճարը Պէտք Է Մնան Ու Պիտի Մնան
Հայահոծ` Այսօր Եւ Վաղուան Համար».Յակոբ Բագրատունի
125 տարի առաջ հայութեան երկնակամարին վրայ ծագեցաւ արեգակը Դաշնակցութեան` ճեղքելով թանձր եւ սեւ ամպերը, որոնք կը սպառնային վհատութեան եւ յուսալքութեան գիրկը նետել հայութիւնը:
125 տարի առաջ փայլեցաւ լոյսը Դաշնակցութեան` լոյս սփռելով նաեւ կեանքին մէջ ազգի մը, որուն գոյերթին համար հրամայական անհրաժեշտութիւն էր այդ ճառագայթումը:
125 տարի առաջ ծածանեցաւ դրօշը արդարութեան պահանջին` վէտվէտելով Դաշնակցութեան գաղափարներուն եւ սկզբունքներուն վրայ խարսխուած անկոտրում ձողին վրայ, որ տարիներու թաւալքին մէջ բազմացաւ, սակայն երբեք չընկրկեցաւ: (more…)
148 Comments
ՀՅԴ 125-Ամեակին Առիթով Աննախընթաց Նուիրահաւաք
Posted on December 3, 2015, by admin, under Լուրեր.
1 Միլիոն 350 Հազար Տոլար` Ի Նպաստ Հայ Դատի Աշխատանքներուն
Երէկ` չորեքշաբթի, 2 դեկտեմբերի երեկոյեան Ազգային առաջնորդարանի «Երջօ Սամուէլեան-Եռագոյն» սրահին մէջ տեղի ունեցաւ ՀՅ Դաշնակցութեան 125-ամեակին նուիրուած կալա-ընթրիքը, որուն ընթացքին կատարուեցաւ իւրայատուկ նուիրահաւաք, եւ Հայ դատի աշխատանքներուն ի նպաստ հանգանակուեցաւ 1 միլիոն 350 հազար տոլար:
Հովանաւորութեամբ եւ ներկայութեամբ Արամ Ա. կաթողիկոսին տեղի ունեցած կալա-ընթրիքին ներկայ էին նաեւ խորհրդարանի փոխնախագահ Ֆարիտ Մըքարիի ներկայացուցիչ տիկին Մահա Մըքարի, Հայաստանի Հանրապետութեան արտակարգ եւ լիազօր դեսպան Աշոտ Քոչարեան, ՀՅԴ Բիւրոյի ներկայացուցիչ Հրանդ Մարգարեան, (more…)
44 Comments
ՀՅԴ «Նիկոլ Աղբալյան» ուսանողական միությունը 25 տարեկան է
Posted on November 25, 2015, by admin, under Լուրեր, Տեսաերիզներ.
«Նիկոլ Աղբալյան» ուսանողական միությունը 25 տարեկան է: 1990-ականների դժվարին տարիներին ստեղծված, այդ դժվարությունների միջով անցած եւ դրանք պատվով հաղթահարած միությունը շարունակում է ուսանողների նորանոր սերունդների ընդունել, համախմբել, դաստիարակել ու ճանապարհել: Անցող ողջ տարվա ընթացքում հոբեյանի առիթով տարատեսակ միջոցառումներ են անցկացվել:
Հոկտեմբերի 24-ին Երեւանում ամփոփիչ միջոցառումն էր։ (more…)
36 Comments
Իշխանություն չենք ուզում հանուն իշխանության
Posted on September 29, 2015, by admin, under Լուրեր, Հարցազրույցներ.
tert.am – ի հարցազրույցը ՀՅ Դաշնակցության Բյուրոյի ներկայացուցիչ Հրանտ Մարգարյանի հետ
– Սահմանադրական բարեփոխումների հարցով քաղաքական դաշտը բաժանվել է սևի ու սպիտակի: Կան կարծիքներ, որ «ոչ»-ի ճամբարում հավաքված ուժերն ունեն նախագահի թեկնածու և դրա համար են դեմ արտահայտվում խորհրդարանական կառավարման համակարգին : Դուք չունեք նախագահի թեկնածու, ա՞յդ պատճառով եք կողմ այս փոփոխություններին:
– Բնական է, նորմալ, որ քաղաքական դաշտը բաժանվել է «ոչ»-ի և «այո»-ի, այլ կերպ լինել չէր կարող: Տգեղը, ոչ նորմալն այն է, որ Սահմանադրական բարեփոխումների նախագծի շուրջ խորքային, բովանդակային քննարկում չի ընթանում, չի հիմնավորվում՝ ինչու՝ ոչ: Միակ բանը, որ ասվում է՝ այս նախագահից չի կարելի լավ բան սպասել, ուրեմն իր կողմից առաջարկված փոփոխությունը չի կարող դրական լինել : Սա ճիշտ մոտեցում չէ, և ընդանրապես ճշմարտությունը չէ: Երկրորդ, քիչ թե շատ տրամաբանական խոսքն այն մասին է, որ Հայաստանը պատերազմական դրության մեջ է և իշխանությունը պետք է կենտրոնացված լինի: Բայց կա աշխարհի փորձ. այն երկրները, որոնք խորհրդարանական կառավարում են ունեցել, վատ չեն պատերազմել: (more…)
37 Comments
Համախմբված աշխատանքով՝ հասնել արդյունքի
Posted on September 26, 2015, by admin, under Ելույթներ, Լուրեր.
ՀՅԴ Բյուրոյի ներկայացուցիչ Հրանտ Մարգարյանի ելույթը՝ Հայոց Ցեղասպանության 100-րդ տարելիցին նվիրված միջոցառումները համակարգող պետական հանձանաժողովի 6-րդ նիստին:
Մեծարգո նախագահ,
Վեհափառ հայրապետներ, հոգեւոր հայրեր,
Հարգելի գործընկերներ,
Սիրելի հայրենակիցներ,
Հայոց ցեղասպանության 100-րդ տարելիցի վերջին եռամսյակի նախաշեմին մի հայացք նետենք անցած ինն ամիսների մեր բոլորի համատեղ աշխատանքին եւ արձանագրենք, որ Հայոց ցեղասպանության միջազգային ճանաչման եւ հատուցման իրավունքների արծարծման գործընթացում նշված ժամանակահատվածը եղավ իսկապես աննախադեպ՝ թե՛ ներազգային միասնականության մթնոլորտի, թե՛ միջազգային արձագանքի ու զորակցության տեսանկյունից։ (more…)
36 Comments
Կարողանալ չլինել ղեկավար, բայց ունենալ աշխատելու, ստեղծագործելու և ապրելու ազատություն
Posted on July 25, 2015, by admin, under Ելույթներ, Լուրեր, Հարցազրույցներ, Տեսաերիզներ.
ՀՅԴ Բյուրոյի ներկայացուցիչ Հրանտ Մարգարյանի «Ազատություն» ռադիոկայանին (23ը հուլիսի 2015թ.) տված հարցազրույցի ամբողջական սղագրությունը:
-Պարոն Մարգարյան, սահմանադրական բարեփոխումների հայեցակարգի վերաբերյալ ձեր կուսակցության ներկայացրած առաջարկներում, մեջբերեմ, պետք է բացառել Ազգային ժողովում արհեստական մեծամասնության ձևավորումը: Նախագծում, սակայն, որ ներկայացրեց սահմանադրական բարեփոխումների մասնագիտական հանձնաժողովը, խոսվում է ԱԺ-ում կայուն մեծամասնության անհրաժեշտության մասին: Ընդ որում՝ առաջին փուլում այդ մեծամասնության չձևավորվելու դեպքում նախատեսվում է երկրորդ փուլ անցկացնել: Սա, արդյոք անհաղթահարելի խոչընդոտ չէ՞ ձեր ներկայացրածի և ձեր ծրագրերի իրականացման առումով:
-Ոչ, կայուն մեծամասնություն՝ չի նշանակում արհեստական մեծամասնություն: Պետք է ստեղծվի նոր կոալիցիա: Եթե առաջին փուլով կոալիցիա չի ստեղծվում խորհրդարանում, պետք է գործընթացը գնա երկրորդ փուլ: Այդ դեպքում կստեղծվի նախընտրական կոալիցիա: Ըստ էության կոալիցա ձևավորելու սկզբունքը նույնն է մնում, ստեղծվում է կոալիցիայի կազմության հնարավորություն: Երկրորդ փուլը, եթե նույնիսկ անպատեհություն ունի, ապա այդ անպատեհությունն ավելի շատ զգում է այն ուժը, որը ընտրությունների ժամանակ համեմատական մեծամասնություն է ստացել, այսինքն՝ 45 տոկոս է բերել, 40 տոկոս է բերել: Դա կարող է պատճառ դառնալ, որ երկրորդ փուլում մյուս բոլոր ուժերը կարողանան համախմբվել, և գործընթացը վերածել սև ու ճերմակի ընտրության: Այդ դեպքում արդեն հավանական է նաև, որ հաղթանակը լինի այսպես ասած՝ ընդդիմությանը:
Այնպես որ, կայուն կոալիցիա ասվածը ոչ մի դեպքում մտահոգիչ չէ, կայուն կոալիցիան երկրի համար նույնիսկ անհրաժեշտություն է, բայց այդ կայունությունը պետք է լինի իրական՝ բացառելով մեկ ուժի կողմից,՝ առանձնաբար, երկրի ղեկավաություն ստանձնելու հավականությունը: Իմ կարծիքով՝ բոնուս երբ տրվում է, դա արդեն արհեստական է, իսկ եթե գործընթացն անցնում է երկրորդ փուլ, ես արդեն ասացի, համեմատաբար մեծամասնություն բերած ուժը ավելի դժվար պայմանների մեջ է հայտնվում, քան մյուսները, որոնք 5, 10, 15 տոկոս են բերում: (more…)
