RedStrong Red (default) BlueCalm Blue GreenFresh Green

Chose your color scheme.

Կոալիցիա մտնելու հարց քաղաքական օրակարգում չունենք

Posted on December 12, 2015, by , under Լուրեր, Հարցազրույցներ.

1429028d-fac7-451f-8592-542886a2c818_tv_mw1024_mh1024_sՀՅԴ Բյուրոյի ներկայացուցիչ Հրանտ Մարգարյանը, Yerkir.am-ի հետ զրույցում խոսելով ՀՅԴ-ի` կոալիցիա մտնելու հավանականության մասին, հայտնեց, որ նման առաջարկ իրենք դեռ չեն ստացել, ոչ էլ այդ մասին քննարկում են ունեցել: «Նման օրակարգ մեզ մոտ գոյություն չունի»,- ասաց նա:

Պատասխանելով հարցին` եթե կոալիցիա կազմելու առաջարկ լինի, կհամաձայնե՞ն, Մարգարյանն ասաց. «Մենք, համենայն դեպս, պատասխանատվությունից փախչող չենք, բայց ամեն գնով կոալիցիա լինելու հակամետ էլ չենք: Պայմաններով կարող ենք ընդունել ինչ-որ համագործակցության ձև, բայց դա չի կարող ինքնանպատակ լինել: Մենք ունենք ծրագիր, մենք միշտ ասել ենք, որ ունենք յոթ կետ, օրակարգ, որի մասին միշտ խոսել ենք` բաց են մեր օրակարգերը, և բնական է, որ դրանք պետք է բավարարվեն, եթե համագործակցություն լինի»:

ՀՅԴ Բյուրոյի ներկայացուցչի խոսքով` համագործակցությունը տարբեր ձևերով կարող է լինել: «Մենք չենք քննարկել համագործակցության հարցը, որ որևէ նախընտրություն ունենանք: Մենք ունենք մի օրակարգ, որի մասին բոլոր քաղաքական ուժերին ասել ենք` եթե ընդունեք, մենք պատրաստ ենք ձեզ հետ համագործակցել»,- ընդգծեց նա:

Հրանտ Մարգարյանն անդրադարձավ նաև ՀՅԴ-ի հասցեին հնչող քննադատություններին, որոնք գլուխ բարձրացրեցին քաղաքական օրակարգում սահմանադրական բարեփոխումների հարցի ի հայտ գալուց հետո: «Սահմանադրական հանրաքվեի վերաբերյալ ՀՅԴ-ի հասցեին հնչող քննադատությունը պարզապես անբարոյականություն է: Մենք մասնակցել ենք այս ընտրություններին այնպես, ինչպես ընդդիմությունն է մասնակցել: Ընդդիմությունն արել է` ինչ-որ արել է, արել ենք նաև մենք: Ոչ ավելի, ոչ պակաս: Եթե համեմատենք նախորդ ընտրությունների հետ, այն ժամանակ էլ ավելին չենք արել, քան այս անգամ: Բանն այն է, որ այս ընտրական համակարգում բացառված չեն խախտումները, և մենք պետք է փորձենք ընտրական սիստեմը փոխել, Ընտրական օրենսգիրքը փոխել, կառույցը փոխել և դրա համար մենք միշտ խոսել ենք, ունենք առաջարկ և հիմա էլ այդ ուղղությամբ ախշատում ենք»,- ասաց նա

Ինչ վերաբերում է ՀԱԿ-ի` Սահմանադրական դատարան դիմելու միջոցով հանրաքվեի արդյունքները չեղյալ համարելու ձգտումներին, Մարգարյանը դա բնական է համարում: «Բնական է, որ նրանք կարող են այդպես վարվել, բայց մենք չունենք այդ համոզումը, որ հանրաքվեն կեղծվել է այն չափով, որ արդյունքները փոխվեն: Եթե նրանք դիմեն ՍԴ, մենք ուշադրությամբ կհետևենք. եթե դատարանն ունենա որոշակի որոշում, մենք այդ որոշման հետ հաշվի կնստենք»,- շեշտեց նա:

Leave a Comment