Archive for 'Լուրեր'
Հրանտ Մարգարյան. Դաշնակցության համար հարցը ազատ խոսքը իր ճիշտ տեղում դնելն է
Posted on July 9, 2007, by admin, under Լուրեր.
«ԱԶԱՏՈՒԹՅՈՒՆ».- Դաշնակցության համար հարցը ոչ թե ազատ խոսքը սահմանափակելն է, այլ ճիշտ հակառակը` ազատ խոսքը իր ճիշտ տեղում դնելը: Այդ մասին հայտարարեց Դաշնակցության բյուրոյի ներկայացուցիչ Հրանտ Մարգարյանը` «Ազատություն» ռադիոկայանի հետ հարցազրույցում ներկայացնելով կուսակցության տեսակետը «Հեռուստատեսության եւ ռադիոյի մասին» եւ «Պետական տուրքի մասին» օրենքներում փոփոխություններ նախատեսող օրինագծերի վերաբերյալ, որոնց ընդունումը անցած շաբաթ Ազգային ժողովում տապալվեց:
Օրինագծերի փաթեթը, ըստ մի շարք փորձագետների եւ քաղաքական գործիչների, սպառնում էր Հայաստանում «Ազատություն» ռադիոկայանի հեռարձակմանը: Խորհրդարանում դրա քննարկումների ժամանակ Դաշնակցության խմբակցության անունից տեսակետ չարտահայտվեց: Խմբակցությունը առաջին ընթերցմամբ կողմ էր քվեարկել փաթեթին, իսկ երկրորդ ընթերցմամբ քվեարկությանը մասնակցեցին դաշնակցական երկու պատգամավորներ, որոնցից մեկը քվեարկեց կողմ, մյուսը` ձեռնպահ: (more…)
43 Comments
Կայացավ ՀՅԴ – ՌԱԿ միջկուսակցական համաժողովը
Posted on June 11, 2007, by admin, under Լուրեր.
«ԱԶԱՏՈՒԹՅՈՒՆ».-Այսօր Երեւանում կայացավ Սփյուռքի երկու ավանդական կուսակցությունների` Հայ Յեղափոխական Դաշնակցության եւ Ռամկավար ազատական կուսակցության միջկուսակցական համաժողովը:
«Չպետք է մնալ անցյալում, պետք է առաջ շարժվել». – ասաց ՀՅԴ Բյուրոյի ներկայացուցիչ Հրանտ Մարգարյանը` հավելելով. – «Առնվազն հայկական հարցերում պետք է համերաշխ լինենք»:
«Ռամկավար եւ Դաշնակցության կուսակցության հակադրությունները, մրցակցությունները շատ երկար պատմություն ունեն: Եթե մենք կարողանում ենք մեր մեջ ուժ հավաքել, նստել իրար հետ սեղանի շուրջ եւ քննել այն հարցերը, որոնք բոլորիս համար նույնն են, երկու կողմիս համար նունն են, սա պետք է օրինակ դառնա Հայաստանի քաղաքական կյանքի համար», – հավելեց Մարգարյանը: (more…)
31 Comments
Հրանտ Մարգարյան. Մոտենում ենք վերջնագծին
Posted on June 4, 2007, by admin, under Լուրեր.
«ԱԶԱՏՈՒԹՅՈՒՆ».-«Մենք մոտենում ենք վերջնագծին», – նոր կառավարության ձեւավորման շուրջ ՀՅԴ-ի ստացած առաջարկներին վերաբերող` «Ազատություն» ռադիոկայանի հարցին ի պատասխան այսօր հետկեսօրին ասաց Հայ հեղափոխական դաշնակցության (ՀՅԴ) Բյուրոյի ներկայացուցիչ Հրանտ Մարգարյանը:
«Մեր պատասխանը կհրապարակվի, կարծում եմ, վաղը. կա’մ այս կողմ, կա’մ այն կողմ», – հավելեց Մարգարյանը: (more…)
36 Comments
Հրանտ Մարգարյան. Դաշնակցությունը կոալիցիա մտնելու որոշում դեռ չի կայացրել
Posted on May 29, 2007, by admin, under Լուրեր.
«ԱԶԱՏՈՒԹՅՈՒՆ». -Հայ Յեղափոխական Դաշնակցության Բյուրոյի ներկայացուցիչ Հրանտ Մարգարյանը այսօր «Ազատություն» ռադիոկայանին տված հարցազրույցում հերքեց տեղեկությունները, թե կուսակցությունն արդեն որոշել է մտնել կոալիցիա եւ իշխանության մաս կազմել:
«Նման համաձայնություն չկա, եւ հարցը, այսպես ասած, «բազարի» մեջ չէ, պորտֆելների կամ կադրերի հարցով չի պայմանավորված բանակցությունների ձգձգումը», – ասաց Հրանտ Մարգարյանը` ընդգծելով. – «Բանակցությունների ձգձգումը, ավելի շատ, սկզբունքային, հիմնական հարցերի շուրջ է»: (more…)
34 Comments
Փարիզում հանդիպել են ավանդական երեք կուսակցությունների ղեկավարները
Posted on February 8, 2007, by admin, under Լուրեր.
«ԱԶԱՏՈՒԹՅՈՒՆ»,- Փարիզում երեկ հանդիպել են Սփյուռքում գործող երեք հայ ավանդական քաղաքական կուսակցությունների` Հայ Յեղափոխական Դաշնակցության, Սոցիալ Դեմոկրատական Հնչակյան եւ Ռամկավար Ազատական կուսակցությունների ղեկավարներ Հրանտ Մարգարյանը, Սեդրակ Աճեմյանը եւ Մայք Խարաբյանը:
«Գուցե սա դառնա Սփյուռքի քաղաքական ուժերի համախմբման սկիզբ. այս փուլում պարզապես համագործակցության ոլորտներն ենք որոշել, բուն ծրագիրը շուտով կմշակի աշխատանքային խումբը», -«Ազատություն» ռադիոկայանին տված հարցազրույցում ասաց ՀՅԴ բյուրոյի ներկայացուցիչ Հրանտ Մարգարյանը:
Նախնական այս հանդիպմամբ Սփյուռքի հայ կուսակցությունների լիդերները`աշխարհի այսօրվա վիճակում համագործակցության նոր որակ են կամենում` ջանքերը համախմբելու ՙհամահայկական բազմաբնույթ հարցերի շուրջ. Հայ Դատի ու Ցեղասպանության ճանաչման հարցեր, հայանպաստ լոբբիստական աշխատանք, լիբանանահայ համայնքի անվտանգության խնդիրներ՚:
Ինչ վերաբերում է ներհայաստանյան հարցերին, Հրանտ Մարգարյանն ասաց, որ յուրաքանչյուր կուսակցություն Հայաստանի ներսում ազատ է իր ինքնուրույն քաղաքականության մեջ, բայց Հայաստան – Թուրքիա հարաբերությունների, Հայ Դատի հետ կապված ընդհանուր կարծիք գոյություն ունի:
Ռուզան Խաչատրյան
35 Comments
Հրանտ Մարգարյան. Դատախազը կուսակցություն ստեղծելու իրավունք չունի
Posted on May 31, 2006, by admin, under Լուրեր.
«ԱԶԱՏՈՒԹՅՈՒՆ».- «Դատախազն իրավունք չունի քաղաքական կուսակցություն ստեղծելու` ո’չ ուղղակի, ո’չ անուղղակի: Երկիրը նրան չպիտի թույլ տա», – «Ազատություն »ռադիոկայանին ասաց Դաշնակցության Բյուրոյի ներկայացուցիչ Հրանտ Մարգարյանը` անդրադառնալով լուրերին, թե է«Միավորում հանուն Հայաստանի» կուսակցությունը ստեղծում է Հայաստանի գլխավոր դատախազ Աղվան Հովսեփյանը:
Հարցին, թե արդյո՞ք հավաստի են այդ լուրերը, Հրանտ Մարգարյանը պատասխանեց` «Այո, ինձ համար դա համոզում է»: (more…)
40 Comments
Հրանտ Մարգարյան. Եթե Թուրքիան որոշել է մտնել Եվրամիություն, ապա պետք է կարողանա իր մեղքերը խոստովանել
Posted on April 25, 2006, by admin, under Լուրեր.
«ԱՐՄԹԱՈՒՆ».- «Հայ ժողովրդի համար ապրիլի 24-ը ոչ միայն հիշատակի, այլեւ պայքարի օր է, քանի որ անմեղ զոհերի հիշատակին հարգանքի տուրք մատուցելով` մեր բողոքն ենք արտահայտում Թուրքիայի կառավարության դեմ»,- հայտարարեց ՀՅ Դաշնակցության Բյուրոյի ներկայացուցիչ Հրանտ Մարգարյանը ապրիլի 24-ին Հայոց ցեղասպանության զոհերի Ծիծեռնակաբերդի հուշահամալիրում:
«Որքան Հայաստանը հզորանա եւ կազմակերպված լինի, այնքան կմոտենանք Հայոց ցեղասպանության ճանաչմանը Թուրքիայի կողմից»,- նշեց Հրանտ Մարգարյանը, միաժամանակ ընդգծելով, որ «մեր նպատակը չպետք է լինի միայն Թուրքիայի կողմից Հայոց ցեղասպանության ճանաչումը, այլեւ պետք է տեր կանգնենք մեր իրավունքներին»: (more…)
41 Comments
Հրանտ Մարգարյան. Հայաստանի համար վտանգավոր է
Posted on April 21, 2006, by admin, under Լուրեր.
ԵՐԵՎԱՆ- «ՀԱՅՈՑ ԱՇԽԱՐՀ» – «Իմ մտահոգությունը ոչ այնքան ԱՄՆ-Ադրբեջան փոխհարաբերությունների, որքան ԱՄՆ-Իրան առճակատման փաստի հետ է կապված: Իրանի դեմ ռազմական գործողությունները կարող են անուղղակիորեն մեծ վնասներ պատճառել մեզ: Մենք պետք է շահագրգռված լինենք, որ բարեկամ երկու երկրները, որոնք անկախության հռչակումից հետո մեր կողքին են եղել` Միացյալ Նահանգները եւ Իրանը, խնդրահարույց հարցերը կարողանան լուծել դիվանագիտական ճանապարհով: Նրանց միջեւ ցանկացած ռազմական առճակատում լուրջ սպառնալիք է Հայաստանի ազգային անվտանգությանը եւ խիստ վտանգավոր` տարածաշրջանի բոլոր երկրների համար»: (more…)
49 Comments
Կիպրոսի նախագահը ընդունել է ՀՅԴ պատվիրակությանը
Posted on December 14, 2004, by admin, under Լուրեր.
«Ա1+».- Դեկտեմբերի 14-ին Կիպրոսի Հանրապետության նախագահ Տասոս Պապադոպուլոսն իր նախագահական նստավայրում ընդունեց ՀՅԴ Բյուրոյի ներկայացուցիչ Հրանտ Մարգարյանի գլխավորած պատվիրակությանը։
Հրանտ Մարգարյանը Կիպրոս էր ժամանել դեկտեմբերի 13-ին, որ Թուրքիայի ԵՄ անդամակցության դեմ ՀՅ Դաշնակցության կողմից տարվող աշխատանքների շրջանակներում հանդիպումներ ունենա Կիպրոսի քաղաքական շրջանակների հետ։ (more…)
35 Comments
Հրանտ Մարգարյան: ՀՅԴ-ն նախագահի կույր հետեւորդը չէ
Posted on August 9, 2001, by admin, under Լուրեր.
«Ազատություն» ռադիոկայանին այսօր տված հարցազրույցում ՀՅԴ բյուրոյի ներկայացուցիչ Հրանտ Մարգարյանը, անդրադառնալով Դաշնակցություն – Ռոբերտ Քոչարյան հարաբերություններին, ասաց. – «Ոչ կույր հետեւորդն ենք նախագահի, ոչ էլ կույր հակառակորդն ենք նախագահի»:
ՀՅԴ բյուրոյի ներկայացուցչի կարծիքով, այսօր երկրի նախագահի շրջապատում «կան ուժեր, որոնք հազիվ թե բան են ավելացնում նախագահ Ռոբերտ Քոչարյանի հեղինակությանը»: Ըստ Հրանտ Մարգարյանի, բնական ակնկալիք է, որ «այս ժողովուրդը պետք է նախագահի մակարդակով տեսնի լուսավոր, հուսատու մի ընքացք»: (more…)
