Ժողովրդավարությունը չպետք է հակադրվի անվտանգությանը
Posted on May 9, 2018, by admin, under Լուրեր, Հարցազրույցներ, Տեսաերիզներ.
Ինչպես արդեն տեղեկացրել էինք Արցախի Հանրապետության Նախագահ Բակո Սահակյանը մայիսի 8-ին ընդունել է ՀՅԴ Բյուրոյի ներկայացուցիչ Հրանտ Մարգարյանին:
Հանդիպմանը քննարկվել են պետականաշինությանը, հայրենիքում եւ սփյուռքում տեղի ունեցող մի շարք գործընթացներին առնչվող հարցեր:
Հանդիպման ավարտին լրագրողների հետ զրույցի ժամանակ Հրանտ Մարգարյանն անդրադարձել է հայաստանյան վերջին իրադարձություններին:
«Այսօր հայ ժողովուրդը բավականին լուրջ օրեր է ապրում: Մի կողմից կա ուրախություն, որ ժողովուրդը ոտքի է կանգնել, հստակ գիտի՝ ինչ չի ուզում, գիտի ինչից է դժգոհ, ինքն իր իրավունքներին տեր է, բայց միաժամանակ առկա են մտահոգություններ, մտահոգություններ, որոնք կապված են մեր երկրի անվտանգության, անցած 30 տարիներին ձեռք բերված հաջողությունների (մասնավորապես ազգային հողի վրա) պահպանման հետ: Բնականաբար, դա մտահոգում է բոլորիս:
Հայ քաղաքական շրջանակը, վերնախավը և քաղաքական դաշտն՝ ընդհանրապես, ցույց տվեց, որ մենք այս երևույթի դեմ-հանդիման կարողացանք պահել մեր զսպվածությունը, կարողացանք չթողնել, որ դիմակայությունը հասնի բախումների, չարյունեց ոչ ոքի քիթ: Դա մեծ առավելություն էր, դա նաև մեծ ինքնավստահություն պետք է բերի մեր քաղաքական դաշտին, որ հենց այս ընթացքով կարողանանք շարունակել, կարողանանք այս ամենը դրական երևույթի վերածել, չթողնենք, որ ժողովրդավարության այս ընթացքը հակադրվի մեր անվտանգությանը և կարողանանք լավ լուծումներ բերել: Կարողանանք չթողնել, որ արտաքին միջամտություններ լինեն, թույլ չտանք, որ այլ ուժեր փորձեն մեր շարժումն օգտագործել իրենց աշխարհաքաղաքական ծրագրերի համար: Շուշիի ազատագրման օրը հավելյալ խթան է բոլորիս համար գիտակցելու, որ մենք պատասխանատու ենք: Այդ նույն պատասխանատվությունն է թույլ տվել այս ամեն ինչից անփորձանք դուրս գալ: Այդ պատասխանատվությունը պետք է ստիպի, որ թույլ չտանք որ ձախողում արձանագրվի ազգային հիմնական հարցերի առումով: Այդ պատասխանատվության գիտակցումն է, որ մեզ ինքնազսպումով պետք է տանի դեպի համերաշխություն եւ համերաշխությամբ` դեպի անցնցում զարգացում»,- մասնավորապես ասել է ՀՅԴ Բյուրոյի ներկայացուցիչը:
arfd.am
3 Replies to "Ժողովրդավարությունը չպետք է հակադրվի անվտանգությանը"
apaldocasino on May 8, 2026
Honestly, Apaldocasino has been pretty good to me. Decent bonuses, a good range of games and helpful support. I’ve seen worse! apaldocasino
777xatq on May 8, 2026
777xatq is pretty solid. Quick payouts and a good selection of games. I will definitely be going back. Visit: 777xatq