RedStrong Red (default) BlueCalm Blue GreenFresh Green

Chose your color scheme.

Վստահ եմ՝ կգա այն օրը, երբ Թուրքիան պարտավորված կընդունի ճշմարտությունը և կխոստովանի

Posted on April 24, 2018, by , under Լուրեր, Հարցազրույցներ, Տեսաերիզներ.

HrantԱյսօր, Ապրիլի 24-ին Ծիծեռնակաբերդի հուշահամալիր այցելեցին ՀՅԴ Բյուրոյի եւ Գերագույն մարմնի անդամները ու ծաղկեպսակ դրեցին՝ ի հիշատակ Հայոց ցեղասպանության անմեղ զոհերի։

Գալու է այն օրը, երբ Թուրքիան կընդունի ճշմարտությունը Հայոց ցեղասպանության հարցում. լրագրողների հետ զրույցում հայտարարեց ՀՅԴ Բյուրոյի ներկայացուցիչ Հրանտ Մարգարյանը:

«Վստահ եմ` կգա այն օրը, երբ Թուրքիան պարտավորված կընդունի ճշմարտությունը և կխոստովանի: Վստահ եմ՝ Թուրքիան նաև կպարտավորվի հատուցում կատարել: Կգա այն օրը, որ մեր հայրենիքը կազատագրվի: Բայց այսօր մենք ունենք շատ ավելի լուրջ քաղաքական մթնոլորտի իրավիճակ և մեր քաղաքական պատասխանատուները Ապրիլի 24-ի շեմին կարողացան կամք դրսևորել, զիջել, երկիրը դուրս բերել առճակատումից և երկիրը զերծ պահել նորանոր մարտիմեկերից, արյունահեղություններից, ցնցումներից»,– ասաց նա:

Ըստ Հրանտ Մարգարյանի՝ այս համընդհանուր կեցվածքը պետք է նոր էներգիա տա բոլորին և մղիչ ուժ դառնալ՝ կողք կողքի գալու ու համախմբվելու համար:

«Որ կարողանանք համախմբությամբ մշակել այն ծրագրերը, որոնք կարողանան երկրի հիմնական հարցերին կարողանան լուծում բերել և երկիրը առաջ տանել: Հիմա դրա մասին պետք է մտածենք»,-ավելացրեց Հրանտ Մարգարյանը:

ՀՅԴ Բյուրոյի ներկայացուցիչը զգում է, որ Թուրքիան արդեն պարտավորվում է անել այնպիսի քայլեր, որոնք մենք 10-20 տարի առաջ չէինք էլ ենթադրել:

«Զգում ենք, որովհետև Հայոց ցեղասպանության հարցը դարձել է միջպետական հարաբերությունների մղիչ հարց, միջազգային կառույցների, օրվա խնդիր և Թուրքիայի խնդիրը»,-ասաց նա:

Անդրադառնալով երեկվա իրադարձություններին` ՀՅԴ Բյուրոյի ներկայացուցիչը մեկ անգամ եւս համախմբվածության եւ միասնականության կոչ արեց։

«Մենք տեսանք, որ ժողովուրդը կարող է համախմբված լինել, այդպիսի համախմբվածությամբ շարունակենք աշխատել նորովի պետականություն կերտել, մի կողմ դնելով անձնական ամբիցիաները՝ աշխատել հանուն երկրի բարօրության»,- նշեց ՀՅԴ Բյուրոյի ներկայացուցիչը։

«Տեղի ունեցավ այն, որ ժողովուրդն իսկապես ակտիվացավ, իր իրավունքներին տեր կանգնեց, քաղաքական դաշտն էլ ցույց տվեց հասունություն` ամեն գնով խուսափելով առճակատումից»,- ասաց Մարգարյանը:

Նրա խոսքով` մենք օրինակելի հասունթություն ցուցաբերեցինք: «Խոսքս բոլորին է վերաբերում. զիջելու Կամքը որ դրսևորվեց, որպեսզի բախում տեղի չունենա ամենամեծ գնահատականն է, որ կարելի է տալ մեր քաղաքական դաշտին»,- նշեց նա:

Ինչ վերաբերում է ՀՅԴ-ին, ապա Մարգարյանն ընդգծեց, որ ՀՅԴ-ն միշտ ունեցել էիր տեսակետներն ու ուղղությունը: «Մենք մեր ուղղությունից ու տեսակետից երբեք չենք շեղվել: Ես հույս ունեմ, որ ոչ ոք չի փորձի կամք պարտադրել, անտրամաբանական բաներ անել և կկարողանանք համախոհությամբ լուծել հարցերն այնպես, որից շահի երկիրն ու ժողովուրդը»,- կատեց Մարգարյանը:

Նա նշեց, որ բոլորի հետ պատրաստ են աշխատել: «Հարցը երկիրն է, ժողովուրդը և թե ով ինչ ծրագիր է գալու իրականացնի: Ամենակարևոր հարցերը մեր երկրում անվտանգությունն է, Արցախն է, մեր սոցիալական խնդիրները, որոնք ամենահիմնականն են և ժողովուրդի հիմնական դժգոհությունների պատճառը: Պետք է տեսնենք ով ինչպես է պատկերացնում լուծել, մենք ունենք մեր լուծման տարբերակը, բայց դրա համար մենք պետք է քննենք, ոչ մի բան միանշանակ չէ : Սա նոր սկիզբ է»,- եզրափակեց նա:

Leave a Comment