Եթե կարողանայի վարչապետի թեկնածու ընտրել, դաշնակցականի կընտրեի
Posted on April 9, 2018, by admin, under Լուրեր, Հարցազրույցներ, Տեսաերիզներ.
Անձը բավական խոստումնալից է. ՀՀ նորընտիր 4-րդ նախագահ Արմեն Սարգսյանի երդման արարողությունից հետո լրագրողների հետ զրույցում ասաց ՀՅԴ Բյուրոյի ներկայացուցիչ Հրանտ Մարգարյանը:
«Ճիշտ է` Հանրապետական կուսակցության թեկնածուն է, բայց հանրապետական չէ: Անձը, որ որոշվել է, շատ քաղաքականացված էլ չէ: Այդ առումով` կարծում եմ, որ ճիշտ մոտեցում է»,- ասաց նա:
Մարգարյանը նաև կարծիք հայտնեց, որ Արմեն Սարգսյանը կաշկանդված չի լինի իր աշխատանքում:
Անդրադառնալով Սերժ Սարգսյանի` անփոխարինելի լինելուն` նա նշեց. «Երբեք մենք չենք ասել, որ անփոխարինելի է: Չկա որևէ անձ, որ անփոխարինելի լինի»:
Հարցին` ո՞վ կարող է փոխարինել Սերժ Սարգսյանին վարչապետի պաշտոնում, Մարգարյանը պատասխանեց.«Եթե մենք ունենայինք մեծամասնություն, դաշնակցական թեկնածու կներկայացնեինք»:
Հարցին էլ` ՀՀԿ-ից ինչ-որ մեկին տեսնո՞ւմ է վարչապետի պաշտոնում, պատասխանեց. «Ես գործ չունեմ Հանրապետականի գործի հետ, ես մեր կուսակցության մասին կարող եմ խոսել: Մենք գործընկեր ենք, բայց մեր տեսակետը մեր տեսակետն է, նրանց տեսակետն էլ նրանց տեսակետն է»:
Ինչ վերաբերում է Սերժ Սարգսյանի այն հայտարարությանը, թե չի հավակնի վարչապետի պաշտոնին, Մարգարյանն ասաց, որ հավակնել բառը բավական առաձգական է: «Կարող ես տարբեր մեկնաբանություններ տալ: Եթե նույնիսկ ինքը հավակներ, բայց ՀՀԿ-ն չուզեր, ի՞նչ կլիներ, չէր ընտրվի չէ՞: Նա իր հավակնությունների մասին է խոսել, ոչ թե` ՀՀԿ-ի»,- ասաց նա:
Լրագրողները կրկին հետաքրքրվեցին` ո՞ւմ է տեսնում վարչապետի պաշտոնում, Մարգարյանն ասաց. «Ես եթե կարողանայի վարչապետի թեկնածու ընտրել, դաշնակցական թեկնածու կընտրեի, եթե չեմ կարող` հարգում եմ մեծամասնության տեսակետը: Ում կորոշեն, կընդունենք: Կոալիցիոն պայմանագրի մեջ գրված է, որ վարչապետի թեկնածուին ներկայացնում է Հանրապետական կուսակցությունը»:
Նա հավելեց նաև, որ ճիշտ կուսակցականը պետք է ենթարկվի կուսակցության որոշումներին:
4 Replies to "Եթե կարողանայի վարչապետի թեկնածու ընտրել, դաշնակցականի կընտրեի"
1xbetapplogin on September 21, 2026
The app login is seamless and the layout is perfect for mobile users. Everything is right where it should be. Great efficiency with 1xbetapplogin
idbundaslot on September 27, 2026
The slots here have some of the best hit rates I have seen in a while. I really enjoy the bonus rounds and the overall vibe of the site. idbundaslot is simply awesome.
jili188loginregister on October 14, 2026
Signing up was a breeze and the welcome bonus really helped me get started. Great customer support too. Register now at jili188loginregister for the best deals.
idrupiah138 on September 16, 2026
I really appreciate how straightforward they keep things for us locals. Transactions flow quickly and the platform always respects our time. It feels like a safe harbor whenever I want a light break. idrupiah138