Վահան Հովհաննիսյանն այսօր էլ համախմբում է բոլորին
Posted on August 16, 2016, by admin, under Լուրեր, Հարցազրույցներ, Տեսաերիզներ.
Այսօր երջանկահիշատակ Վահան Հովհաննեսյանի ծննդյան օրն է. նա կդառնար 60 տարեկան: Ընկերները հիշում են՝ Վահանի ծնունդները, սովորաբար, աննկատ էին անցնում. նշում էր համեստ՝ իր տեսակի մեջ:
Նրա մտերմագույն ընկերը, ՀՅԴ Բյուրոյի ներկայացուցիչ Հրանտ Մարգարյանն ասում է՝ ծննդյան օրն առանձնացնել չէր սիրում, ընդամենը մի անգամ էր տոնել՝ իրեն առանձնահատուկ հումորով:
«Հրավիրատոմսի վրա գրել էր՝ հրավիրում եմ ձեզ իմ առաջին 50-ամյակին»,- հիշում է Մարգարյանը:
Անսպառ ու միայն իրեն բնորոշ հումորով մարդ, քաղաքական, պետական գործիչ ու ընկեր, ով բացակա է միայն ֆիզիկապես, հիշողությունները հավերժ են:
Հրանտ Մարգարյանի խոսքով՝ Վահանը բացառիկ էր իր կենսուրախությամբ, խելացիությամբ, խոհեմությամբ, հումորով և, իհարկե, քաջությամբ: «Վահանն այն մտավորականներից էր, ով ընդունակ էր իր պայքարով առաջին գծում լինել: Բացի այն, որ նա կյանքի մարդ էր, նաև կյանք ստեղծող էր, խելացի, բարձր քաղաքացիական գիտակցությամբ»,ասաց նա և հավելեց. «Որքան ժամանակ անցնի, այնքան Վահանն ավելի ճիշտ կընկալվի»:
Վահան Հովհաննիսյանի ընկերներն ու հարազատներն ասում են՝ բոլորին շուրջը հավաքելու, խոսքը լսելի դարձնելու կարողությունն ուներ: Այսօր չկա, բայց շարունակում է հավախմբել բոլորին:
Ասում են՝ քաղաքական դաշտում, ընկերական շրջապատում Վահան Հովհաննիսյանի բացակայությունը զգացվում է: Մեր ժամանակը պակասել է դաշնակցական ընկեր Վահանով, ով նաեւ կատարյալ քաղաքական գործիչ էր, մտավորական, գիտնական ու մարդ:
Վահան Հովհաննիսյանի մտերիմներից Պարույր Սանթրոսյանը, ով իր գիտակից կյանքն անցկացրել է նրա հետ, մեզ հետ զրույցում ասաց՝ Վահան Հովհաննիսյանն առանձնանում էր իրեն հատուկ սարկազմով: «Շատ մարդիկ ասում էին, որ դա նրա հումորն է, բայց ես վստահ եմ, որ դա սարկազմ էր: Բացի այդ` նա առանձնանում էր պետական մտածողությամբ, ինքն իրենով` ամբողջությամբ, ղեկավար էր` թե’ ռազմի դաշտում, թե’ քաղաքական դաշտում, նման ընդունակություն ունեցող մարդիկ քիչ են պատահում»,- ասաց նա:
Սանթրոսյանի խոսքով՝ Վահան Հովհաննիսյանի մասին կարելի է անվերջ խոսել, նրա հետ կապված հիշողությունները շատ են: Շատ են նաև Հովհաննիսյանի մտքերը, որոնք մտավորականը ժամանակին հանձնել է թղթին: Նրա հայտնի մտքերից է. «Հայրենիքը ձեզ չի մոռանա»: Ազդեցիկ են նաև Հովհաննիսյանի «Մանդիլիոն» վեպում տեղ գտած այս տողերը: «Մեր թանկ գանձից լուսեղենը օրն է նրա վերադարձի»:
4 Replies to "Վահան Հովհաննիսյանն այսօր էլ համախմբում է բոլորին"
luckyplayphlogin on August 31, 2026
Best login portal I have used for this game. No more broken links or downtime, just straight to the fun at luckyplayphlogin.
juan365apk on September 2, 2026
Finally found an APK that actually works without any glitches. The installation was a breeze and it runs perfectly on my phone. Love juan365apk
vipcuci on August 19, 2026
[8870]vipcuci Official Login | Best Online Slots Malaysia Fast Payout,vipcuci provides a secure official login for top online slots. Download the app to enjoy fast payouts and learn how to play baccarat. Join the action today! visit: vipcuci